Aurora



 JAMAIS  CONTENTE  de  EMILIE   DELEUZE

 (AURORA)

 FRANCIA   2016;   90’    V.O.S.C.  








PREMIO OSO DE CRISTAL AO MELLOR FILME NO FESTIVAL INTERNATIONAL DE CINE DE  BERLIN, 2016
PREMIO DA AUDIENCIA MOZA Á MELLOR DIRECTORA NOS PREMIOS DO CINE EUROPEO, 2016



SINOPSE
Baseado na novela de Marie Desplechin. 
Aurora non acada as  mellores notas, pero definitivamente, non é parva. Ten un xeito peculiar de ollar e comentar a súa contorna; a súa familia, os mozos, o seu profesor de francés e tamén, ela mesma.


EMILIE DELEUZE
Guionista, realizadora e montadora francesa nada no ano 1964.
Iníciase como realizadora no ano 1986, coas curtametraxes Un homme faible (1986), Monsieur Pierre (1986) e Coup de sang (1990).
Debuta na longametraxe con Va mourir (1991). Tras rodar varias series e curtametraxes volta a longametraxe con À l'aube (1999) e  Mister V. (2003).
Este é o seu último traballo.

Entre os dous


YOU'RE  UGLY  TOO   de  MARK NOONAN  
(ENTRE OS DOUS)  

IRLANDA    2015;    82’    V.O.S.C.
  







PREMIO AO MELLOR FILME NO GALWAY FILM FLEADH, 2015
PREMIO MELLOR GUIÓN NO SKIP CITY INTERNATIONAL D-CINEMA FESTIVAL, 2015

PREMIO MELLOR GUIÓN NO FESTIVAL INTERNACIONAL DE CINE DE ATENAS , 2015
PREMIO Á MELLOR CARACTERIZACIÓN NO FESTIVAL INTERNACIONAL DE CINE IRLANDÉS DE BOSTON, 2016


SINOPSE
Un home acada a liberdade condicional para coidar da súa sobriña orfa.  Hai moitos obstáculos que zafar mentres atopan un fogar  provisional. El non fai caso ás súas obrigas coa lei, e a  moza  ten  una narcolepsia desenvolvida nos últimos meses.


MARK NOONAN  
Realizador, guionista, fotógrafo, montador e produtor nado en 1982 in Galway, Irlanda 1974. A cabalo entre París e Dublín. Gradúase na Berlinale Talent Campus en 2011, a súa primeira curtametraxe Preguntas, acada o Premio Claire Lynch no Festival Internacional de Cine de Cork e unha Mención de Honra no Galway Film Fleadh.
Con este filme debuta na longametraxe, presentada no Festival Internacional de Cine de Berlín 2015, onde foi nomeado ao Mellor Filme Novel.
Actualmente atópase desenvolvendo o filme documental Kevin Roche: The Quiet Architect,  aínda sen rematar.



Aí van algúns enlaces sobre o filme:
http://ocio.laopinioncoruna.es/cine/criticas/entre-dos-debut-madurez-nws590731.html
http://www.cinemaldito.com/entre-los-dos-mark-noonan/
https://www.ecartelera.com/noticias/39606/critica-entre-los-dos-mark-noonan/
https://www.filmaffinity.com/es/reviews/1/181970.html

Amazona


AMAZONA   de  CLARE WEISKOPF
(AMAZONA)
COLOMBIA    2016;   82’   V.O.S.C.  



                                      
PREMIO DO PÚBLICO, FICCI - COLOMBIA, 2017
PREMIO ANDRIY MATROSOV, DOCUDAYS UA - UCRANIA, 2017

SINOPSE

Que fai que unha muller sexa boa nai? É necesario renunciar aos soños, por radicais que sexan, cando se teñen fillos?

A viaxe ás profundidades do Amazonas servirá para explorar unha relación que cría perdida e que a transportará ao interior do seu propio ser, o único camiño posíbel para reconciliarse con ela mesma.

CLARE WEISKOPF

Realizadora, guionista, xornalista e produtora.
Centrada en temas sociais, dende o conflito armado en Colombia e a violencia sexual como arma de guerra, até a difusión da música “cumbia” en Europa e América Latina. 

Acadou dúas veces o Premio Nacional de Xornalismo Simón Bolívar de Colombia e foi selecioada para a IDFAcademy e Dok.Incubator.

Recentemente ten dirixido dúas series documentais, 2012: Chronicles of the End of the World  e  As Cores do Fútbol. 


Este filme é a súa primeira longametraxe e o seu último traballo.



Aí van algúns enlaces sobre o filme:

Inuit enfadado


ANGRY INUK    de  ALETHEA ARNAQUQ-BARIL
(INUIT ENFADADO)
CANADÁ  2016;   85’   V.O.S.C.  




PREMIO XUSTIZA SOCIAL NO FESTIVAL INTERNACIONAL DE CINE SANTA BÁRBARA 2017
PREMIO DO PÚBLICO NO FESTIVAL DE CINE AVAILABLE LIGHT 2017
PREMIO DO PÚBLICO NO FESTIVAL HOT DOCS FESTIVAL INTERNACIONAL DE CINE DOCUMENTAL CANADIANO 2016

SINOPSE

A cineasta examina o papel central da caza de focas na vida dos Inuit. Son o seu alimento base, e ten un rol central no ámbito social e na identidade da cultura indíxena que habita as tundras do norte de Canadá, Alasca e Groenlandia. Tamén, a importancia dos ingresos que acadan coas vendas de peles e o impacto negativo que as campañas internacionais contra a caza de focas teñen provocado nas súas vidas.

ALETHEA ARNAQUQ-BARIL

Guionista, realizadora, produtora, e fotógrafa nada no Ártico Canadense. Dende a súa produtora, Unikkaat Studios, ten dirixido os documentais Tunniit: Retracing the Lines of Inuit Tattoos, as curtametraxes Inuit High Kick, Lumaajuuq e Sloth.


No seu traballo como produtora executiva ten coproducido Arctic Defenders, un documental de John Walker, e o documental Experimental Eskimos.
O seu último traballo é The Grizzlies, aínda sen rematar.

Aí van algúns enlaces sobre o filme:

Casa no campo


TIGMI N IGREN   de   TALA  HADID  
(CASA NO CAMPO)   
MARROCOS/QATAR   2016;   86’   V.O.S.C.








PREMIO Á MELLOR DIRECCIÓN NO FESTIVAL INTERNACIONAL DE CINE DE HONG KONG 2017
PREMIO AO MELLOR FILME NO FESTIVAL INTERNACIONAL DE CINE AFRICANO DE MILAN 2017
PREMIO NON FICCIÓN Á DIRECCIÓN NO MILLENNIUM DOCUMENTOS CONTRA A GRAVEDADE 2017
GRAN PREMIO 2M DE FIDADOC 2017

SINOPSE

Presenta a historia milenaria dos amazigh en Marrocos. Ten sido en gran parte contada, preservada e transmitida oralmente por bardos e contacontos nas comunidades pastorais de fala tamazight. O documental segue esta tradición con medios audiovisuais e intenta realizar un retrato fiel desta comunidade.

TALA HADID

Realizadora, guionista, fotógrafa, montadora e produtora nada en 1974 en Londres.Coproduce e dirixe a súa primeira longametraxe mentres estudaba na Brown University . O filme, Poeta sagrado, centra a lente no poeta e cineasta italiano Pier Paolo Pasolini, con entrevistas a Laura Betti, Bernardo Bertolucci, Sergio Citti e Ninetto Davoli. Tras varias curtametraxes no ano 2000, mentres traballaba nun proxecto sobre a comunidade xitana macedonia en Nápoles, acada en Italia unha bolsa para estudar cine na Universidade de Columbia, en Nova York. No 2001, dirixe en San Petersburgo Windsleepers, cos poetas Genya Turovskaya e Vladimir Kucheriavkin. No 2005, remata a súa tese co filme Tes Cheveux Noirs Ihsan, rodado en Marrocos proxectado e premiado en numerosos festivais de cine.

O seu traballo ten sido exposto no MOMA, no Walker Art Center en Minneapolis, o Museo Nacional de Mulleres nas Artes en Washington, L'Institut du Monde Arabe en París, Goteberg Kunsthalle en Suecia, Instituto Goethe, no Cairo, na Bienal de Sevilla, na Galería Jonathon Schorr de Nova York, no LACMA nos Ángeles, na Filmoteca de París, na Galería dos Fotógrafos de Londres e Filmoteca de Tánger. Entre 2010/2011, traballa no proxecto independente Heterotopia, unha serie de fotografías que documentan a vida nun bordel de Nova York. En 2012 acada a bolsa Peters Reed Foundation por o seu traballo documental en Marrocos. No outono de 2013 publican na serie Stern Fotografie Portfolio de fotógrafos emerxentes, un pequeno volume cunha selección das súas fotografías. A longametraxe Itarr el Layl (2014), tamén foi proxectada e premiada en numerosos festivais.


Este filme foi seleccionado para proxectarse como obra en curso na edición número 72 do Festival Internacional de Cine de Venecia. É o seu último traballo.

Aí van algúns enlaces sobre o filme:

O fundador


THE   FOUNDER 
(O FUNDADOR)

           USA    2016;   112’   V.O.S.C. 



                                        



SINOPSE
Biopic do creador de McDonald's. Nos anos 50, un vendedor de Illinois chamado Ray Kroc, atópase cos irmáns Richard e Maurice McDonald, que tiñan unha hamburguesaría no sur de California. Impresionado pola velocidade do sistema de cociña foi quen de visualizar o potencial da franquía e foi tomando posicións até arrebatárllelo e crear o imperio actual.



JOHN  LEE  HANCOCK
Guionista, produtor e  realizador nado en 1956 en Texas, USA. É licenciado en Dereito pola Universidade de Baylor, Texas, (Estados Unidos). Tamén acadou  unha licenciatura en inglés, na mesma universidade. Tras exercer  durante catro   anos para un  despacho de avogados de Houston, decidiu mudarse aos Ánxeles perseguindo o  seu soño de converterse en cineasta. Iníciase como guionista con Un mundo perfecto (1993),  dirixida e protagonizada por Clint Eastwood e  Medianoite no xardín do ben e do mal (1997), dirixida de novo por Clint Eastwood, con John Cusack e Kevin Spacey.
Entre as súas  realizacións temos, O novato (2002),  O Alamo (2004), Un soño posible (2009), Ao encontro de Mr. Banks (2013).
Este é o seu último traballo.



Aí van algúns enlaces sobre o filme:

Deus bendiga Islandia


GUР BLESSI  ÍSLAND
(DEUS  BENDIGA  ISLANDIA)
ISLANDIA     2009;   70’    V.O.S.C. 





MENCIÓN ESPECIAL DO XURADO NO FESTIVAL INTERNACIONAL DE CINE, ONE WORLD HUMAN RIGHTS,  ÁMSTERDAM, 2010



SINOPSE
Hai uns anos Islandia era un dos países máis prósperos do mundo. Pero, nun abrir e pechar de ollos, converteuse na máis crúa metáfora da crise global e do incontrolable erro do capitalismo.

HELGI   FELIXSON
Guionista, realizador, produtor, e fotógrafo nado en Reykjavik.
Cursa estudos de teatro e cine en Suecia. Ten traballado como actor, produtor e director en diferentes grupos de teatro. Dirixe Felix Film AB en Estocolmo, unha produtora a través da cal realiza os seus proxectos documentais. Entre eles, The Condor Man (2002), Beneath the Stars (2005), Catch the Moment (2008) e Skatfellingur (2009),  filme que tamén se sitúa en Islandia e amosa a preparación dunha pequena comunidade do sur do país ante unha inminente erupción volcánica.
O seu último traballo é Vive la France (2014)

Aí van algúns enlaces sobre o filme:
https://cachecine.blogspot.com.es/2012/12/crisis-economica-dia-1-critica-de-god.html?m=1
https://larepublicacultural.es/article4226.html
http://elcaminodelnorte.blogspot.com.es/2013/05/dios-bendiga-islandia.html
https://elfaro.is/2016/10/05/6102008-el-discurso-completo-de-geir-haarde-anunciando-el-colapso-financiero-de-islandia/

Con tecnoloxía de Blogger.

(cc) Creative Commons BY-NC-SA 3.0 · Cineclube Lumière

Modelo: Urang-kurai / fornecido por Blogger