Micrófono




MICROPHONE

(MICRÓFONO)
EXIPTO 2010;








MELLOR FILME ÁRABE NO FESTIVAL INTERNACIONAL DE CINE DO CAIRO, 2010
PREMIO AO MELLOR DIRECTOR NO FESTIVAL INTERNACIONAL DE CINE DE CARTAGO, 2010
PREMIO AO MELLOR MONTAXE NO FESTIVAL INTERNACIONAL DE CINE DE DUBAI, 2010
PREMIO ESPECIAL DO XURADO AO MELLOR DIRECTOR NO FESTIVAL INTERNACIONAL DE CINES DO SUR DE GRANADA, 2011
PREMIO AO MELLOR FILME NO FESTIVAL INTERNACIONAL DE CINE DE ESTAMBUL, 2011

SINOPSE

Un veciño volta a Alexandría tras pasar varios anos viaxando e, non entende, que a súa cidade natal teña mudado tanto durante a súa ausencia. Xa é tarde para retomar a relación cun antigo amor, e a relación co seu vello pai parece definitivamente rota. Deambulando pola cidade descobre o mundo artístico alternativo: cantantes de hip hop, “monopatinadores”, grafiteiros… A pesar do limitado dos seus recursos, intenta apoiar este movemento e chamar a atención cara ás diversas facetas da cidade.


AHMAD ABDALLA

Director, guionista, montador e fotógrafo nado no Cairo en 1979. Graduado na Facultade de Educacion e Música, traballa como montador dende 2003. Debuta na longametraxe con Heliópolis (2009). Este é o seu segundo filme. O seguinte filme Farrapos (2011), foi seleccioado para a sección Contemporary World Cinema no Festival Internacional de Cine de Toronto 2013.
Ten participado como xurado en diversos festivais internacionais e tivo a súa primeira retrospectiva no Festival Internacional de Cine de Singapur no ano 2014.
O seu último traballo como director é Decor (2014)


O ollo do Sol





EIN SHAMS 
(O OLLO DO SOL)
EXIPTO/MARROCOS 2007




PREMIO AO MELLOR DIRECTOR NO FESTIVAL INTERNACIONAL DE TAORMINA, 2008 

SINOPSE 
É a historia dun barrio desfavorecido e case abandonado, pero que hai algún tempo foi unha das capitais do Exipto faraónico e un lugar sagrado onde estiveron Xesús e a Virxe María. O filme captura a maxia e a tristura da vida cotiá a través da ollada dunha nena de once anos que reside no barrio. Un mosaico de imaxes e sons composto por personaxes dispares. 

IBRAHIM EL-BATOUT 
Director, guionista, montador, produtor e fotógrafo nado en Port-Said no 1963. En 1985 gradúase en Física na Universidade Americana do Cairo. Iníciase profesionalmente como fotógrafo e montador na produtora Vídeo Cairo Production House. De 1987 a 2004, traballa como director de documentais, produtor e fotógrafo especializado en zonas de guerra para canais de televisión internacionais, entre eles la ZDF, ITN, ARTE, ABC, CBS, Canal 4 e TBS de Xapón. Durante ese tempo, cubriu doce guerras, entre elas a de Irak-Irán, o Líbano, a primeira guerra do Golfo, Bosnia, Afganistán, Sri Lanka, Somalia, Ruanda, Zaire, Palestina, Chechenia Kosovo e a segunda guerra do Golfo, entre outras. 
No 2004, tras resultar ferido en dúas ocasións, decide deixar a guerra e voltar a Exipto para facer filmes independentes. Escribe, dirixe e produce a súa primeira longametraxe de ficción, Ítaca (2005). Esta é a súa segunda longametraxe. Logo viñeron Hawi (2010), El sheita elli fat (2012), El Ott (2014), o seu último traballo como director.


                          
Nos seguintes enlaces podedes ollar entrevista e tráiler  do filme:



O Gorrión




AL ASFOUR

(O GORRIÓN)
EXIPTO/ARXERIA 1972




SINOPSE 

Filme ambientado en xuño de 1967, nas vésperas da Guerra dos Seis Días en Exipto. Un novo axente de policía destinado nunha vila do Alto Exipto, cuxos habitantes padecen as persecucións dun home de negocios corrupto. O axente atópase cun xornalista que investiga un roubo de armas e maquinaria de guerra por parte duns oficiais. 



YOUSSEF CHAHINE 

Director, actor, escenógrafo, guionista e produtor nado en Alexandría en 1926. Criado no seo dunha familia cristiá católica greco-melquita de orixe libanés. Tras asistir a unha escola católica ingresa no Victoria College. Tras un ano na Universidade de Alexandría, trasládase aos Estados Unidos a estudar no colexio de Pasadena Playhouse. Volve a Exipto cando remata a II Guerra Mundial, e inicia o seu interese pola dirección, deixando o traballo de actor. Debuta no cine con Baba Amin (1950). Un ano despois, recibe a invitación do Festival de Cannes para proxectar Fillo do Nilo (1951). Na súa serie de catro filmes autobiográficos, amosa os éxitos e conflitos da súa vida: Alexandría...Por que? (1978), Unha historia exipcia (1982), Alexandría, de novo e sempre (1990) e Alexandría...Nova York (2004). Outro dos seus filmes máis celebrados é O sexto día (1986), foi a última aparición cinematográfica da cantante e actriz Dalida antes de morrer. 

Heya fawda (2007), foi o seu último traballo. Morreu no Cairo en 2008.


                     

Con tecnoloxía de Blogger.

(cc) Creative Commons BY-NC-SA 3.0 · Cineclube Lumière

Modelo: Urang-kurai / fornecido por Blogger