PROGRAMA PARA OUTUBRO
"A RESISTENCIA COTIÁ"
Neste ciclo amosamos personaxes cunha patria común que non sae nos mapas, unha xeografía minúscula, íntima, feita de repeticións, que sostén o que son case sen enterarse. As súas vidas transcorren baixo unha coreografía silenciosa cun obxectivo claro, facerse visibles!! Acadar a ilusión de que hai un xeito de orden e deixar lonxe o caos, unha mínima estabilidade na que poder refuxiarse e atopar o seu lugar no mundo.
"A forza non provén da capacidade física. Provén dunha vontade indomable" Mahatma Gandhi.
"Andy", Cun formato a cabalo entre a road movie e un filme de aventuras, rodada durante dous meses cun equipo de sete persoas, e baseada nas vivencias de miles de migrantes dende Centroamérica até o norte de México para tratar de cruzar ilegalmente aos Estados Unidos, Román Parrado constrúe unha ficción nas localizacións reais dos feitos.
"Enzo" Robin Campillo sitúa o filme na tradición do cine europeo contemporáneo que non entende a mocidade como unha etapa romántica ou idealizada, senón como un territorio de conflíto e desorientación. É un traballo que explora a tensión entre o determinismo social e o desexo individual, presentando unha pregunta incómoda, é posible fuxir do lugar que temos adxudicado?
OUTUBRO ANDY de ROMÁN PARRADO
05 (ANDY)
LUNS 20:30H ESPAÑA 2025; 107' V.O.
SINOPSE
Unha nena de doce anos inicia a viaxe cara aos Estados Unidos. Ao seu carón, un neno de dez anos co quen entabla amizade. Entre trens de carga, redadas migratorias e refuxios improvisados, teñen como obxectivo chegar á fronteira.
ROMÁN PARRADO
Director, guionista, fotógrafo e actor español. Ven traballando con éxito no cine e na televisión, gañador dun premio Gaudí e ZOOM por "Ebro, do berce á Batalla" (2016), un Ondas por "Radio Gaga" e un Globo de Ouro do World Media Festival por "O asasino da Baraxa" (2022), Ten dirixido cine, documentais e series para TVE, Movistar+, TVC e Netflix.
Entre os seus traballos destacamos, "14 días con Víctor" (2010), "Salvados" (2019), "Èxode" (serie tv, 2019), "Pioneiras" (2022), "O rei do cachopo" (2024), "Jo mai mai" (serie tv, 2024).
Este é o seu último traballo.
OUTUBRO ENZO de ROBIN CAMPILLO
19 (ENZO)
LUNS 20:30H FRANCIA/ITALIA/BÉLXICA 2025;102' V.O.S.C.
ROBIN CAMPILLO
Guionista, actor, montador e director nado no 1962 en Mohammedia, Marrocos. Formado na escola de cine La Fémis, é alí onde coñece ao seu colaborador creativo e amigo Laurent Cantet, co que traballou como montador e guionista en moitos dos seus filmes.
"Les Revenants" (2004), foi o seu debut na dirección. Logo viñeron, "Eastern Boys" (2013), "120 pulsacións por minuto" (2017), "A illa vermella" (2023).
Este é o seu último traballo, coescrito con Laurent Cantet, estreado na Quincena de realizadores do Festival de Cannes tras o falecimento de Cantet.
https://www.
https://www.cinemaldito.com/
https://cineuropa.org/es/
https://cineoculto.com/2025/
OUTUBRO FILME SORPRESA
26
Luns 20:30H
Filmes de rigorosa estrea que están a formar parte da programación dos mellores festivais de cine do mundo. Se unha vez iniciada a proxección alguén decide saír, poderá facelo durante os primeiros 15 minutos e devolveráselle o importe da cota pagada.
CINE CLUB LUMIÈRE DE VIGO
Rúa Doutor Cadaval 33, 4.º A - 36202 Vigo -
http://www.lumierevigo.com
info@lumierevigo.com
Cota anual soci@: 24 euros
Cota filme soci@: 5 euros
Bono Lumière 5 filmes: 20 euros (só soci@s)
Cota filme colaborador@: 6 euros
PARAD@S, con carné: 5 euros
