Filmes de rigorosa estrea que están a formar parte da programación dos mellores festivais de cine do mundo.

Se unha vez iniciada a proxección alguén decide saír, poderá facelo durante os primeiros 15 minutos e devolveráselle o importe da cota pagada.

    OM  DET  OÄNDLIGA
    (Sobre o infinito)
    Roy Anderson (Suecia, 2019) 76 min.  / VOSE



Inspirada no conto de "As mil e unha noites", o filme  fai  unha particular descrición  das distintas etapas que un ser humano vai atravesando na vida;  dende os momentos máis prezados da existencia até a sensibilidade emocional e intelectual.

RECOÑECEMENTOS

2019: Festival de Venecia: León De Prata - Mellor Director
2019: Premios do Cine Europeo: Mellores Efectos Visuais
2019: Premios Guldbagge: Mellor Deseño de Produción

ROY   ANDERSSON

Realizador, fotógrafo, guionista, técnico de son, montador e produtor nado no 1943 en Gotemburgo. Caracterizado por filmes que traballan coa comedia do absurdo onde caricaturiza á sociedade sueca, de feito, a publicación Village Voice di que é “o Bergman do slapstick”. Ten pasado gran parte da a súa vida profesional traballando en publicidade, coa dirección de máis de 400 anuncios e tamén numerosas curtametraxes.
Ten dirixido tres longametraxes anteriores, Unha historia de amor sueca (1970),  Cancións dende o segundo piso (2000), e  Unha pomba  pousa nunha rama a reflexionar sobre a existencia (2014).
Este é o seu último traballo.

Un mozo israelí chega á capital francesa con grandes expectativas e decidido a desfacerse da a súa nacionalidade o máis rápido posibel, como un tumor que ten que ser extirpado.



NADAV  LAPID

Realizador, actor, guionista, montador e produtor nado no 1975 en Tel Aviv-Yafo, Israel. Estuda filosofía na Universidade de Tel Aviv e tras rematar o seu servicio militar marcha a París. Máis tarde volta a Israel para estudar na Escola de Cine e Televisión Sam Spiegel en Xerusalén. Debuta no cine coa longametraxe, Policeman (2011), Premio Especial do Xurado en Locarno ese ano. Logo roda A mestra de parvulario (2014), filme estreado na Semana Internacional da Crítica en Cannes.
Foi Xurado na sección da Semana Internacional da Crítica en Cannes no 2016.
Este é o seu último traballo.

    DERECHOS  DEL  HOMBRE
    (Dereitos do home)

    Juan Rodrigañez (España, 2018) 75 min. / VOE



Unha excéntrica compañía de circo ergue a súa  carpa na periferia dunha pequena vila da meseta castelá coa intención de rematar o seu novo espectáculo, Dereitos do home. Unha función a medio camiño entre o revolucionario, o utópico, e o necesario, aínda que as veces non pode fuxir do máis mundano.



JUAN  RODRIGÁÑEZ

Realizador, actor, guionista e produtor nado en Madrid no 1971. É un auténtico francotirador do cine español, quen de perpetrar obras á marxe de todo e de todos. Antes de rematar os seus estudos de Historia, estuda un ano cine. Dirixe tamén, a galería de arte “A verde oliva” en Granada, e coedita “Vera. Revista de poesía”. No 2008, crea a produtora cinematográfica “Tajo Abajo”, e no  2013 funda cun grupo de coreógrafos e  performers o Instituto de Arte Analfabeto, a través do cal produce e dirixe a súa primeira longametraxe Der Geldkomplex (O complexo de cartos).
Este é o seu último traballo.

NAN  FANG  CHE  ZHAN  DE  JU  HUI
(O lago do ganso salvaxe)
Diao Yinan  (China, 2019)  117 min.    /  VOSE




Un delincuente recén saído da cadea convértese nun fuxitivo tras unha reunión de bandas que remata coa morte dun policía. Tratando de agocharse mentres van curando as feridas, atópase cunha prostituta que pode vir para axudar ou para entrégalo a cambio dunha cuantiosa suma.

RECOÑECEMENTOS

Premio ao director por un dos mellores dez filmes,  da china film critics association award 2019
Premio cámara de prata á mellor fotografía no international cinematographers' film festival manaki brothers 2019
Premio ao director por un dos mellores dez filmes, do shanghai film critics awards 2020
mellor dirección, fotografía, actriz de reparto (regina wan), produción, e efectos especiais,  no faro island film festival 2020


DIAO  YINAN

Realizador, guionista e actor chinés. Graduado no 1992 na Academia Central de Drama en China. Iníciase como guionista cos directores Shi Runjiu en All the way (2001), e Zhang Yang en Spicy Love Soup (1997), e A ducha (1999). Debuta como realizador con Uniform (2003), logo rodou  Night train (2007), estreada en Cannes. Co seguinte traballo Black Coal (2014), acada o Oso de Ouro ao mellor filme ese ano.
Este é  o seu último traballo.