Érase unha vez, un pequeno barrio familiar na periferia de Roma, a canícula alegre agochaba unha sofocante atmósfera de alienación. Varias familias nunha especie de limbo, a tensión é crecente e parece poder estoupar dun momento a outro.

Din os directores que os relatos deste filme están inspirados en historias reais e estas, a súa vez, en historias falsas...

Os xemelgos Damiano e Fabio, directores, guionistas, produtores, poetas e fotógrafos italianos, tamén coñecidos como os irmáns D'innocenzo, nados en 1988 na aldea de Tor Bella Monaca, aínda que creceron entre Anzio, Nettuno e Lavinio seguíndo ao seu pai, un mariñeiro. De ben mozos tiveron unha estreita relación coa pintura, fotografía e a poesía, sen unha formación cinematográfica específica no 2018 realizaron a súa primeira longametraxe "La terra Dell''assquite", presentada na sección "Panorama" da 68ª edición do Festival Internacional de Cine de Berlín, espertando interés da crítica e público, e coa que acadaron numerosos premios. Máis tarde colaboraron no guión do filme de Matteo Garrone, "Dogman".

No 2019 publican "The Ship Of Theseus", a súa primeira colección de poemas.

No 2020 publican o seu primeiro libro fotográfico, "Farmacia Notturna".

"América latina" (2021), é a súa última longametraxe.