Post Tenebras Lux

POST TENEBRAS LUX (POST TENEBRAS LUX)
MÉXICO/HOLANDA FRANCIA/ALEMAÑA 2012
115 minutos/ COR V.O.S.C.

       

-MELLOR DIRECTOR NO FESTIVAL DE CANNES, 2012
-MELLOR DIRECTOR, PREMIO DA CRÍTICA E MELLOR FILME NO FESTIVAL DE CINE LATINOAMERICANO DE LIMA, 2012
-MENCIÓN ESPECIAL AO MELLOR FILME LATINOAMERICANO NO FESTIVAL DE CINE DE MAR DA PRATA, 2012
-MELLOR DIRECTOR NO FESTIVAL DE CINE INTERNACIONAL CINEMANILA, 2012

SINOPSE
Un rico industrial decide mudar a cidade na que vive coa súa muller e os dous fillos pola vida no campo. Neste solitario e idílico lugar asemella que poderán atopar un pouco de paz. O seu matrimonio está tornando resentido por o fastío sexual, os problemas de criar os fillos e o feito de vivir nunha comunidade na que se sente un estraño.


CARLOS REYGADAS

Guionista, actor, produtor, fotógrafo, montador e realizador nado en México D.F. en 1971. Estuda Dereito Internacional en Cidade de México e Londres, onde se especializa en conflitos armados. En Bélxica realiza Maxhumain (1999), a súa primeira curtametraxe para un concurso. Xapón (1998), é o seu debut na longametraxe, coa que acada a Cámara de Ouro no Festival de Cannes e o Premio Coral á Mellor Ópera prima do Festival Internacional do Novo Cine Latinoamericano dese ano, ademais de varios premios Ariel. No 2004 produciu o filme Sangue, do cineasta mexicano Amat Escalante, e no 2005 rodou Batalla no ceo, coa que acada a Palma de Ouro dese ano no Festival de Cannes. No 2006 os seus novos proxectos foron beneficiados co (WCF), “World Cinema Fund,” un fondo de apoio creado pola Fundación Federal de Cultura de Alemaña e o Festival Internacional de Cine de Berlín, en cooperación co Goethe Institut. Coa terceira longametraxe Luz silenciosa (2007), acadou o Premio do Xurado ese ano no Festival de Cannes.


Este é o seu último filme como realizador. Nos últimos proxectos profesionais está a traballar como produtor: Heli (2013) e O mudo (2014).


Podedes ollar o tráiler en: https://www.youtube.com/watch?v=NxPxuojpaEk

Posted by
Fernando Llor

+Info

SEDUCIDOS E ABANDOADOS

SEDUCED AND ABANDONED (SEDUCIDOS E ABANDOADOS)


USA  2013;
100 minutos/ COR V.O.S.C.





SINOPSE
Viaxe de exploración a través de varios aspectos intimamente vinculados co universo do cine: o Festival de Cannes. O cine como arte, os cartos, o glamour, a morte. Unha rodaxe filmada durante a 65ª edición do festival (2012). O filme recolle retratos, anécdotas e testemuñas íntimas e case descoñecidas destes cineastas que forman parte da historia do cine contemporáneo. 

JAMES TOBACK
Director, guionista, actor e produtor nado en New York City, no 1944. No 1966 gradúase no Harvard College. Máis tarde traballa como profesor de guión na universidade da cidade de Nova York. Iníciase no cine cun guión autobiográfico The Gambler (1974). Debuta na dirección con Melodía para un asesinato (1978). Tras estes filmes vive nunha montaña rusa profesional, Amor e cartos ( 1982), Un cebo chamado Elisabeth (1983), aínda que máis tarde redime a súa reputación. Outros dos seus filmes, Big Bang (1989), Branco e Negro (1999), Harvard Man (2001), When Will I Be Loved (2004), Tyson (2008).
Este é o seu último traballo como realizador.

podedes ollar o tráiler en: https://www.youtube.com/watch?v=SWz1wG1tvbo

Posted by
Fernando Llor

+Info

MEL

MIELE     ( MEL)


ITALIA/FRANCIA  2013;
98 minutos/ COR V.O.S.C.


-PREMIO KINGFISHER AO MELLOR FILME NO FESTIVAL INTERNACIONAL DE CINE DE LJUBLJANA, 2013
-PREMIO LAZO DE PRATA Á MELLOR CINEASTA EMERXENTE DO SINDICADO NACIONAL DOS CRÍTICOS DE CINE DE ITALIA, 2013
-PREMIO MENCIÓN ESPECIAL DO XURADO AO MELLOR FILME NO FESTIVAL INTERNACIONAL DE CINE DE HAIFA, 2013
-PREMIO GLOBO DE OURO Á MELLOR ÓPERA PRIMA NOS PREMIOS GLOBOS DE OURO DO CINE ITALIANO, 2013
-PREMIO DO XURADO ECUMÉNICO, NO FESTIVAL INTERNACIONAL DE CINE DE CANNES, 2013
-PREMIO DA AUDIENCIA NO FESTIVAL INTERNACIONAL DE CINE DE BRUSELAS, 2013


SINOPSE
Filme baseado na novela A nome tuo, de Mauro Covacich. A protagonista é unha muller como tantas. Vive soa e hai tres anos que decidiu dedicar a súa vida a persoas na busca de axuda, asistindo e aliviando o seu sufrimento, mesmo cando levan a decisións extremas. O seu nome en clave é Miele. Un día coñece a un home de 70 anos, en perfecto estado de saúde, que ten un “mal invisíbel”. A reunión entre os dous porá a proba as súas conviccións e provocará nela un forte debate existencial.


VALERIA GOLINO

Directora, actriz, técnica de son, guionista e produtora nada en Nápoles, no 1966. Creceu entre Atenas e Nápoles nun ambiente artístico. O pai era un experto xermanista, a nai pintora, e o seu irmán é músico. Iníciase profesionalmente no cine como actriz con Pequenos incendios (1985). Un ano despois acada o premio á Mellor Actriz, no Festival de Cine de Venecia por Historia de amor. O seu primeiro traballo en Hollywood foi no filme Big Top Pee-Wee (1988). Ten feito traballos moi diversos, en Rain Man, foi a moza de Tom Cruise, en The King's Whore, foi a amante de Timothy Dalton, e en Hot Shots!, compartiu reparto con Charlie Sheen. Il ragazzo invisibile é o seu último traballo como actriz. 
Este é o seu último traballo como realizadora.

podedes ollar o tráiler en: https://www.youtube.com/watch?v=QIkVUILKAyc
Entrevista  coa súa directora: https://www.youtube.com/watch?v=AfgLTsPDYN0

Posted by
Fernando Llor

+Info

ITHEMBA

ITHEMBA      (ITHEMBA)

ZIMBABWE 2010;
72 minutos/ COR V.O.S.C.   
                                                 


- PREMIO IDFA DA AUDIENCIA, PAÍSES BAIXOS, 2010.
- PREMIO OUSMANE SEMBENE, EN TANZANIA. FESTIVAL INTERNACIONAL DE CINE DE ZANZÍBAR, 2010.


SINOPSE
Un país onde cada día morren máis persoas por causa da sida, a malnutrición e a falta de atención médica, que os que morren en Afganistán, Iraq ou Darfur. Onde os hospitais funcionan sen médicos, as cidades poden pasar meses sen auga corrente e a taxa de desemprego é do 90%. Un país onde a xente con discapacidade é vista como maldita. Ithemba (esperanza, en ndebele) trasládanos a Zimbabue a través de Liana, un conxunto musical formado por oito mozos con discapacidade que afrontan con sentido do humor e valentía a caótica realidade do seu país e os prexuízos sociais e culturais profundamente arraigados. 


ELINOR BURKETT

Guionista, produtora, escritora e directora. O seu traballo como documentalista tena levado de Cuba a Mongolia e de Kirguistán a Zimbabue. Foi reporteira do Miami Herald co que ten escrito nove libros, e traballado para as principais revistas americanas. No 2010 acadou o Óscar á mellor curtametraxe documental con Music by Prudence e os seus traballos teñen sido recoñecidos en diversas ocasións por organizacións como o National Press Club, o Penney-Missouri ou a New York  Newswomen.
Este é o seu último traballo.


Podedes ollar o tráiler en: https://www.youtube.com/watch?v=AKSX_BQqZVU
Entrevista  coa súa directora: https://www.youtube.com/watch?v=3B0Icc_x6dg

Posted by
Fernando Llor

+Info
Con tecnoloxía de Blogger.

(cc) Creative Commons BY-NC-SA 3.0 · Cineclube Lumière

Modelo: Urang-kurai / fornecido por Blogger