Autobiografía dun mentiroso

«AUTOBIOGRAFÍA DUN MENTIROSO » (A LIAR'S AUTOBIOGRAPHY)
                                                                                          VOSC · Cor • 85 min.

SINOPSE
Baseado nas memorias de Graham Chapman, membro dos Monty Python, finado no 1989. Participan catorce estudos de animación independentes con diferentes técnicas para reconstruír a súa vida a través dun collage caleidoscópico no que realidade e ficción se superpoñen. Na historia preséntanse diferentes momentos e situacións da vida do artista: a súa infancia macabra durante a guerra; o seu paso por a Universidade de Cambridge xunto a John Cleese, futuro compañeiro; a súa evolución cara á homosexualidade, ou ao seu ocultado alcoholismo. 

OS DIRECTORES
Bill Jones e Ben Timlett son probablemente o equipo creativo máis precoz da historia do cine xa que comezaron a facer pequenas curtametraxes antes de cumprir os dez anos. Medraron xuntos en Camberwell, no sur de Londres, e lograron materializar a enorme paixón por facer filmes durante a infancia na realización de centos de curtas. Con dezaoito anos Bill traballou como axudante de montaxe de Julian Doyle, Brazil, no filme do seu pai Vento nos salgueiros. Ao mesmo tempo Ben matriculábase na Universidade de Reading na especialidade de Arqueoloxía. No 1998 crean Bill and Ben Productions, unha pequena compañía especializada na montaxe de filmes. Tras anos traballando como montadores en videoclips e publicidade levantan os seus propios proxectos: Never mind the Sex Pistols, Rebel Truce ou Who Killed Nancy. Os seus traballos na ficción inclúen a comedia The West Wittering Affair e Chemical Wedding. No 2010 Bill e Ben acadan varios nomeamentos para os premios Emmy como directores e produtores da serie documental en seis capítulos de Monty Python: a versión dos avogados. Serie que pode ollarse como un punto de partida para este filme, xa que é un profundo estudo do grupo Monty Python realizado no corenta aniversario da súa creación. Agora preparan Theatre of Dreams sobre o lendario adestrador do Manchester United, Sir Matt Busby. Jeff Simpson é un produtor e director con máis de vinte anos de experiencia na BBC; especializado na realización de documentais dunha hora sobre música, TV e cultura popular. Entre os seus traballos destacan Marty Feldman: Six Degrees of Separation e Girls and Boys: a History of British Pop. Jeff tamén ten traballado como presentador televisivo, crítico de cine e ten escrito varios libros sobre música.

podedes ollar o tráiler en: http://www.youtube.com/watch?v=jJRb14R08p8

Posted by
Fernando Llor

+Info

Pe de páxina

«PE DE PÁXINA » (HEARAT SHULAYIM)
                                                                                       VOSC · Cor • 105 min.



 PREMIO AO MELLOR GUIÓN, NO FESTIVAL INTERNACIONAL DE CINE DE  CANNES 2011
PREMIO AO MELLOR FILME ESTRANXEIRO, DA ASOCIACIÓN DE CRÍTICOS DE CINE DOS ANXOS, 2011.
PREMIOS MELLOR DIRECTOR, MELLOR GUIÓN, DA ACADEMIA CINE ISRAELÍ, 2011
PREMIO DA CRÍTICA AO MELLOR GUIÓN, NO FESTIVAL INTERNACIONAL DE CINE DE DUBLÍN 2012


SINOPSE
Comedia irónica sobre a competitividade, a lealdade, o amor e as relacións conflitivas entre un pai e un fillo. Ambos son excéntricos académicos que teñen dedicado toda a súa vida ao estudo do Talmud. O pai, un testán purista alleo ao sistema, que nunca ten visto recoñecido o seu traballo. O fillo é unha estrela ascendente na materia, esforzado por consagrarse publicamente. 


JOSEPH CEDAR

Director, guionista e produtor nado en Nova York en 1968. Emigra coa súa familia a Israel cando tiña cinco anos. Estuda Filosofía e Historia do Teatro na Universidade Hebrea de Xerusalén, e gradúase na Escola de Cine NYU. Actualmente vive en Tel-Aviv.
Na a súa filmografía destacamos:
Ha-Hesder (2000), Medurat Hashevet (2004), Beaufort (2007), Sharon Amrani: Remember His Name (2010). O seu último traballo é Jerusalem, I Love You.

podedes ollar o tráiler en: http://www.youtube.com/watch?v=Hax61JTWKrU
Unha entrevista co director: http://www.youtube.com/watch?v=UDr9uP3njLs

Posted by
Fernando Llor

+Info

A miña fábrica

«A MIÑA FÁBRICA» (WADAN'S WORLD)
    VOSC. COR • 100 min.



PREMIO DO  PÚBLICO AO MELLOR DOCUMENTAL, NO FILMKUNSTFEST MV.  ALEMAÑA, 2011
PREMIO DO XURADO NO FESTIVAL DE DOCUMENTAIS  DE MUNICH, 2011.
PREMIO DO XURADO AO MELLOR DOCUMENTAL ALEMÁN NO FESTIVAL DE DOCUMENTAIS  DE LEIPZIG,  2010.

SINOPSE
“Se queres ser un construtor de barcos, tes que ter nado con iso”. Con esta frase resume un dos protagonistas do filme a importancia que ten para el o seu posto de traballo. Non se trata unicamente dun salario, é tamén o orgullo dun oficio, a dignidade acadada xeración tras xeración
Os ingresos dun terzo dos habitantes da cidade alemá de Wismar dependen de Wadan Yards, unha empresa construtora de barcos. En agosto do 2008 un inversor ruso compra a empresa. O futuro parece seguro. Pero cando empeza a crise mundial, 5.000 postos de traballo entran en perigo.


DIETER SCHUMANN 

Director, guionista e produtor nado en Alemaña. Estuda dirección na HFF de Potsdam. Tras dous anos traballando en alta mar, entre 1983 e 1990, dirixe filmes para televisión e cine no DFA-Dokfilmstudio. Ten sido fundador e director do Instituto de Cine da rexión de Mecklemburg-Pomerània Occidental e actualmente traballa como cineasta e produtor coa súa propia empresa Filmmanufaktur Basthorster. No 2008 foi galardoado coa Ludwig-Reinhard-Kulturpreis, un premio á súa traxectoria profesional no campo da cultura. Outros dos seus traballos son a curtametraxe Defa Kinobox Nr. 49 (1987) e as longametraxes Flüstern & Schreien (1989) e Im Glanze dieses Glückes (1990).
Este é o seu último traballo.


podedes ollar o tráiler en:  http://docu-mentales.com/blog/la-meva-fabrica-en-el-documental-del-mes

Posted by
Fernando Llor

+Info

Come, durme, morre

«COME, DURME, MORRE» (ÄTA SOVA DÖ)
   VOSC · Cor • 104 min.



*PREMIO DO  PÚBLICO Á MELLOR DIRECCIÓN, NA SEMANA DA CRÍTICA NO FESTIVAL INTERNACIONAL DE CINE DE VENECIA, 2012.
*PREMIO Á MELLOR ACTRIZ, NERMINA LUKAC ,  MELLOR ACTOR, MILAN DRAGISIC, MELLOR GUIÓN, MELLOR FILME, MELLOR DIRECCIÓN E MELLOR PRODUCIÓN NOS PREMIOS GULDBAGGE, 2013


SINOPSE 

Unha moza emigrante de orixe montenegrina, deslinguada e corpulenta, é capaz de empaquetar máis leitugas que ninguén no menor tempo posible. Achega ao fogar o seu salario e a súa desvergoñada alegría. Cando os recortes pola crise a deixan no paro e o pai parte cara a Noruega para traballar, ela non se acovarda, o seu é a acción. Con resistencia esmaga os obstáculos antes de que ser esmagada por eles. 


GABRIELA PICHLER 
Directora, guionista, montadora e produtora nada en Huddinge, Suecia. Ten dirixido varias curtametraxes, Nangang (2004), Leda (2007) e Scratches (2008). Con este filme fai o seu debut na longametraxe. É o seu último traballo.


podedes ollar o tráiler en:  http://www.youtube.com/watch?v=pP8FoigjJwM

Posted by
Fernando Llor

+Info
Con tecnoloxía de Blogger.

(cc) Creative Commons BY-NC-SA 3.0 · Cineclube Lumière

Modelo: Urang-kurai / fornecido por Blogger