Vergoña e Respecto

VERGÜENZA Y RESPETO
(VERGOÑA E RESPECTO)
ARXENTINA 2015; 81’ V.O.


SINOPSE

Retrato da vida cotiá dos costumes ancestrais dunha familia xitana dos arrabaldes bonaerenses ao longo de cinco xeracións. Os Campos abren as portas do seu fogar e con elas tamén as dunha tradición milenaria, obrigada hoxe a acoplarse ao mundo contemporáneo. Unha cousa está clara: ser xitano non é doado, ou como di un dos protagonistas, “é máis fácil dicilo, que selo”. Atravesado por cantos, guitarras, palmas e caixóns flamencos, o filme é un elegante documental de observación. 

TOMAS LIPGOT

Produtor, guionista, fotógrafo, técnico de son, montador e realizador nado en Neuquén en 1978. Estuda na Universidade do Cine e na Escola de Música de Bos Aires. Ten dirixido varias curtametraxes e as longametraxes Casafuerte (2004), Fortalezas (2010), Moacir (2011), A árbore da muralla (2012). 
Gilgamesh, o home que non quería morrer é o seu último proxecto.


Posted by
Fernando Llor

+Info

Abismo Ruxente


ROARING ABYSS 

(ABISMO RUXENTE) 
R.U./ETIOPÍA/ESPAÑA 2015; 86' V.O.S.C.




SINOPSE

Nos bares e locais de música de Addis Abeba atópase unha escena musical moi peculiar, pero máis aló existen preto de cen culturas e nacionalidades espalladas ao longo das montañas, desertos e bosques de Etiopía. Na actualidade, moitos dos instrumentos musicais tradicionais de Etiopía teñen sido substituídos por teclados electrónicos, quedando a maior parte das bandas locais reducidas a unha ou un cantante acompañado de bases rítmicas e melódicas, pero aínda quedan algúns músicos ao redor do país tocando a música que aprenderon dos seus antergos; instrumentos como o krar, washent, masinko ou o kebero, seguen soando nesta terra chea de contrastes. 

QUINO PIÑERO

Realizador, técnico de son, guionista, actor, produtor e montador. Dende idade temperá inicia unha vida nómade, sempre coa súa cámara e grabadora de son as costas, de aí o marcado selo de viaxe sonoro que caracteriza os seus traballos tanto musicais como audiovisuais. 

Ten traballado como técnico de son e produtor musical con músicos como La Urss (Andalucía 2006), Alkibar Junior (Malí 2007) Orchestra Elastique (Londres 2012) e Mulatu Astatke (Addis Abeba 2013). No 2011 recompila horas de material audiovisual almacenado durante os anos de produtor musical e investigación en África Occidental, resultando nesta primeira montaxe documental: Le Message du Issa Ber (East End Festival 2011). Dende 2012 traballa como técnico de son en diferentes rodaxes e montaxes. 

Con este filme debuta na dirección. Na actualidade está involucrado nun proxecto documental musical colaborando con The Nile Project en África do Leste, asemade realiza como freelance traballos sonoros e videográficos.

Posted by
Fernando Llor

+Info

Magallanes

MAGALLANES

(MAGALLANES)

PERÚ 2015; 109’ V.O.







2014: FESTIVAL DE SAN SEBASTIÁN, PREMIO CINE EN CONSTRUCIÓN
2015: FESTIVAL DA HABANA, PREMIO CORAL ESPECIAL DO XURADO (ÓPERA PRIMA) 
MENCIÓN ESPECIAL AO DIRECTOR NO FESTIVAL INTERNACIONAL DE CINE MANNHEIM-HEIDELBERG, 2015
PREMIO DA AUDIENCIA AO MELLOR DIRECTOR, E ÁS ACTRICES MARÍA TELÓN E MAGALY SOLIER, NO FESTIVAL INTERNACIONAL DE CINE LATIONAMERICANO DE LIMA, 2015
COLÓN DE OURO AO MELLOR FILME, COLÓN DE PRATA Á MELLOR ACTRIZ, MAGALY SOLIER, E MELLOR GUIÓN, NO FESTIVAL INTERNACIONAL DE CINE DE LATIONAMERICANO DE HUELVA, 2015
GRAN PREMIO DO XURADO AO MELLOR GUIÓN NO FESTIVAL INTERNACIONAL DE CINE DE NASHVILLE, 2016
PREMIO AO MELLOR DIRECTOR NOVEL, MELLOR ACTRIZ, MAGALY SOLIER, MELLOR ACTOR, DAMIÁN ALCÁZAR, NO FESTIVAL INTERNACIONAL DE CINE LATIONAMERICANO DE LLEIDA, 2016 


SINOPSE 
A anódina vida dun taxista muda o día que se atopa de novo con Celina, unha muller que coñecera nos violentos anos nos que fora soldado do exército peruano e loitaba contra Sendero Luminoso.

SALVADOR DEL SOLAR 
Guionista, produtor, actor e realizador nado en Lima en 1970. Licenciado en Dereito e deportista de elite, comeza a estudar interpretación con Alberto Ísola, iniciando posteriormente unha carreira no teatro que o leva a Colombia. No 1999 protagoniza o filme Pantaleón e as visitadoras e varias telenovelas de éxito.
Con este filme debuta como realizador. É tamén, o seu último traballo na dirección.Aí van algúns enlaces sobre o filme:


Posted by
Fernando Llor

+Info

O incendio

EL INCENDIO

(O INCENDIO)

ARXENTINA 2015; 95’ V.O.



PREMIO DA CRITÍCA NO D'A -FESTIVAL INTERNACIONAL DE CINEMA D'AUTOR DE BARCELONA, 2015
PREMIO BIZNAGA DE PRATA Á MELLOR ACTRIZ, PILAR GAMBOA, NO FESTIVAL DE CINE ESPAÑOL DE MÁLAGA, 2015
PREMIO AO MELLOR FILME NO NO FESTIVAL INTERNACIONAL DE CINE DE TRANSILVANIA, 2015 

SINOPSE 
Unha parella moza vai pagar a súa casa, pero o vendedor non chega e a escritura atrásase. Tensos e frustrados volven a casa e agochan os cartos. El trata de que sexa un día como calquera outro. No transcurso de vintecatro horas de espera revélase a verdadeira natureza do amor entre eles. 

JUAN SCHNITMAN 
Guionista, produtor, montador, fotógrafo, director de arte, actor e realizador nado en Bos Aires en 1980. Tras graduarse na Universidade do Cine (FUC). Tras a realización de varias curtametraxes, O interior da besta (1999), A morte de Ricardo Lee (2001), Yakuza (2002), Duelo (2002), codirixe, xunto a Santiago Mitre, Alejandro Fadel e Martín Mauregui, O amor -Primeira parte-, filme que se estrea na Semana da Crítica de Venecia. No 2007 roda Grande para a cidade, un documental sobre a banda de brit-pop uruguaia Astroboy. En 2009 filma Pretemporada, un documental sobre fútbol. 
Este é o seu último traballo.

Aí van algúns enlaces sobre o filme:

Posted by
Fernando Llor

+Info
Con tecnoloxía de Blogger.

(cc) Creative Commons BY-NC-SA 3.0 · Cineclube Lumière

Modelo: Urang-kurai / fornecido por Blogger