Celestial Camel


 NEBESNYY   VERBLYUD
 (CELESTIAL CAMEL)  de  YURIY  FETING
 RUSIA  2015;  90’  V.O.S.C.





                                                           







PREMIO Á MELLOR FOTOGRAFÍA E Á MELLOR PRODUCIÓN NO A-FESTFILM ROZAFA 2016
PREMIO DO XURADO E MENCIÓN ESPECIAL AO PRODUTOR NO AJYAL YOUTH FILM FESTIVAL 2016
MELLOR FILME INFANTIL E MELLOR PRODUCIÓN NO KINOSHOK – OPEN CIS AND BALTIC FILM FESTIVAL 2015
PREMIO AO MELLOR FILME INFANTIL, AO MELLLOR DIRECTOR E Á PRODUCIÓN NO NO FESTIVAL INTERNACIONAL DE CINE DE
 OLYMPIA PARA A INFANCIA E MOCIDADE 2016
PREMIO MELLOR FILME INFANTIL E MELLOR PRODUCIÓN NO RADIANT ANGEL 2016
PREMIO SIFFCY (SORISO INTERNACIONAL FILM FESTIVAL PARA INFANCIA E MOCIDADE) 2015
PREMIO MELLOR FILME, MELLOR DIRECTOR E MELLOR PRODUCIÓN NO FESTIVAL INTERNACIONAL DE CINE INFANTIL NA INDIA 2015



SINOPSE
Nas estepas do Volga en Rusia, os Kamulkos cren que o nacemento dun camelo
albino é signo de boa sorte. Ao chegar a cría, é vendida polo patriarca para poder 
afrontar economicamente o nacemento do seu novo fillo. A nai tamén foxe na súa 
busca, o que provoca un desastre para a familia. O fillo máis vello  emprende unha 
viaxe pola estepa na súa motocicleta para tratar de atopala.



YURY FETING
Director e guionista nado en 1956 en Rusia. Iníciase como realizador no ano  1997 
con Ulitsy razbitykh fonarey unha serie para a televisión. Debuta na longame-
traxe con Rozhdestvenskaya misteriya (2000). Logo viñeron Mify moego 
detstva (2005) e Bibinur (2009).
Este é o seu último traballo.

Posted by
Fernando Llor

+Info

Kini e Adams


KINI  ET  ADAMS
(KINI  E  ADAMS)   de   IDRISSA  OUEDRAOGO
BURKINA  FASSO   1997;   97’   V.O.S.C.



             
     




PREMIO DO XURADO AO MELLOR DIRECTOR, NO FESTIVAL INTERNACIONAL DE CINE DE BERMUDA, 1998
SINOPSE
Nalgún lugar do sur de África dous amigos soñan con ter unha vida mellor, lonxe da aldea. Intentan arranxar un vello coche con pezas soltas, pero todos se mofan deles. Pouco a pouco, os primeiros ímpetos van perdendo forza.


IDRISSA  OUEDRAOGO
Director, guionista e produtor nado en Ouagadougou (Burkina Fasso) en 1954. Ingresa no Instituto de Estudos Cinematográficos Africanos na súa vila natal e logo marcha ao IDHEC, de París, coa intención de profundar nos coñecementos técnicos adquiridos. Aínda que experimenta cos diversos xéneros e formas narrativas, o motivo central do seu traballo soe ser o  concepto da viaxe, ben sexa física ou metafórica.  A estética preciosista dos seus filmes, así como a nostalxia e o exotismo co que amosa África, teñen acadado acendida polémica entre os puristas, que cualifican a súa ollada de “europea,” e os que defenden o interese de que se faga o tránsito dunha cinematografía “miserabilista” a outra na que se busca a máxima perfección en imaxe e son. É grazas a isto que o seu traballo concursa nos mellores festivais internacionais con extraordinario éxito e remata convertido en obra de culto.
Entre os seus traballos destacamos:  Yaaba (1989), Tilai (1990), Samba Traore (1991), Le Cri de Couer (1992), Kato kato (2006).  Rien ne se jette (2010), unha curtametraxe documental foi o seu derradeiro traballo.
Morreu o pasado febreiro na súa cidade natal.



   Aí van algúns enlaces sobre o filme:

Posted by
Fernando Llor

+Info

Triomf

 TRIOMF
 (TRIOMF )    de    MICHAEL   RAEBURN
SURÁFRICA/FRANCIA/R.U. 2008; 97’ V.O.S.C.







PREMIO SIGNIS NO FESTIVAL INTERNACIONAL DE CINE DE AMIENS, 2008



SINOPSE
Baseado na novela de Marlene van Niekerk, sobre unha familia branca e pobre nun barrio ruinoso de Johannesburgo. A familia Benade comparte unha casa decrépita. Preocupados polos resultados das eleccións, planean fuxir ao Norte do país.



MICHAEL RAEBURN
Director, guionista, produtor e fotógrafo nado no Cairo en 1948, aínda que máis tarde se converte en cidadán zimbabuense. Agora, por razóns políticas, é cidadán surafricano. Estuda Literatura Francesa na Universidade de Londres. O seu traballo experimental e documental destaca como innovador e único. Durante case catro décadas ten loitado arreo por ser unha voz libre e independente dentro dun mundo cada vez máis homoxeneizado. O seu tema principal é a sensación de alienación, frustración e ira, que sente un grupo social que ten sido illado e reprimido por un meirande e poderoso. A violencia, a furia, e incluso a loucura, son os resultados inevitables.
Iníciase profesionalmente coa curtametraxe Rhodesia Countdown (1969). Logo viñeron, The plastic shamrock (1973), Le mouvement mouvement (1975), This game of old (1975), o documental Beyond the Plains Where Man Born (1976), Au-delà des plaines où l’homme est né (1977), Requiem pour un village (1978), Dimanche, doux dimanche (1980), The grass is singing (1981), Under african skies (1990), Jit (1991), Vent de colère (1998), Home sweet home (1999).
Este é o seu último traballo.


 Aí van algúns enlaces sobre o filme: 

Posted by
Fernando Llor

+Info

Burma VJ

BURMA VJ
(BURMA VJ)    de    ANDERS   ØSTERGAARD
DINAMARCA   2009;   84’   V.O.S.C. 




                                                           





PREMIO JORIS IVENS, AO DIRECTOR E  MELLOR FILME, NO FESTIVAL INTERNACIONAL DE CINE DOCUMENTAL DE AMSTERDAM, 2008
PREMIO MELLOR DOCUMENTAL NOS PREMIOS BODIL, 2009
PREMIO FIPRESCI AO DIRECTOR NO FESTIVAL INTERNACIONAL DE CINE  DE XERUSALÉN, 2009
GRAN PREMIO DO XURADO AO DIRECTOR, NO FESTIVAL INTERNACIONAL DE CINE BOULDER, 2009
PREMIO LIBERDADE DE EXPRESIÓN E MELLOR MONTAXE NO FESTIVAL INTERNACIONAL DE CINE
DE SUNDANCE, 2009
GRAN PREMIO DO XURADO AO MELLOR FILME DOCUMENTAL NO FESTIVAL INTERNACIONAL DE CINE DE  YEREVAN, 2009
PREMIO AO MELLOR FILME DOCUMENTAL E  PREMIO AMNISTÍA NO FESTIVAL INTERNACIONAL DE CINE DOCUMENTAL DE DINAMARCA, 2008
PREMIO DA AUDIENCIA AO MELLOR FILME E GRAN PREMIO DO XURADO, NO FESTIVAL INTERNACIONAL DE CINE E DEREITOS HUMÁNS DE NUREMBERG,  2009


SINOPSE
En setembro de 2007, pacíficos monxes budistas enfrontáronse ao réxime militar birmano. O mundo enteiro centra a atención neste país. Prohíbese a entrada da televisión estranxeira, pero Joshua, un xornalista mozo e o seu equipo traballaron arreo para contrarrestar a propaganda militar e manter ao mundo informado sobre a situación no interior dun país pechado.


ANDERS   ØSTERGAARD
Director e guionista nado en 1965 en Copenague. Licenciado en Xornalismo na Escola Danesa de Xornalismo. Entre 1991 e 1996 traballa como redactor, deseñador de  estratexias publicitarias e, de forma puntual, como asistente de dirección para a unidade de documentais da televisión pública danesa.
A súa traxectoria como realizador arranca no 1996. Foi galardoado co Premio ao Mellor Documental no Festival de Cine de Odense en 1999 por The Magnus. É o guionista e director da coprodución internacional Tintin et Moi (2003). Outros dos seus traballos: Diplomatiets fortrop (2004), Gasolin (2006), Så kort og mærkeligt livet (2008).  1989 II (2014), é o seu último traballo.


Aí van algúns enlaces sobre o filme:
http://www.elespectadorimaginario.com/pages/diciembre-2010enero-2011/criticas/burma-vj.php
http://www.todaslascriticas.com.ar/pelicula/burma-vj/criticas
https://www.filmaffinity.com/es/film341494.html

Posted by
Fernando Llor

+Info
Con tecnoloxía de Blogger.

(cc) Creative Commons BY-NC-SA 3.0 · Cineclube Lumière

Modelo: Urang-kurai / fornecido por Blogger