Matar a Xesús


MATAR  A  JESÚS   de   LAURA  MORA  ORTEGA
(MATAR A XESÚS) 
COLOMBIA     2017;     95'    V.O.
                               









2017: FESTIVAL DE SAN SEBASTIÁN: PREMIO DA MOCIDADE
2017: FESTIVAL DA HABANA: PREMIO CORAL ESPECIAL DO XURADO 
2017: CAIRO INTERNACIONAL FILM FESTIVAL: PREMIO FIPRESCI Á MELLOR DIRECCIÓN E MELLOR FILME
2017: CHICAGO INTERNACIONAL FILM FESTIVAL: PREMIO Á MELLOR DIRECCIÓN
2018: GASPARILLA INTERNACIONAL FILM FESTIVAL: GRAN PREMIO DO XURADO Ó MELLOR FILME 
2018: PANAMÁ INTERNACIONAL FILM FESTIVAL: PREMIO DA AUDIENCIA Á DIRECTORA
2018: MOTOVUN FILM FESTIVAL: PREMIO AO MELLOR FILME 
2018: PALM SPRINGS INTERNACIONAL FILM FESTIVAL: PREMIO CINE LATINO Á DIRECTORA


SINOPSE
Baseado en feitos reais.  Unha moza presencia o asasinato do seu pai. Dende a distancia olla o autor mentres el foxe a todo correr nunha motocicleta. A familia terá que afrontar a indolencia oficial na que o caso pronto queda arquivado e suspendido.

LAURA MORA ORTEGA
Realizadora, guionista, montadora e produtora nada en Medellín en 1981. Realiza estudos en dirección e produción de cine na escola RMIT e un máster en guión e dirección no AFTRS, de Melbourne, onde dirixe tamén dúas curtametraxes,  West e  Brotherhood. Volta a Colombia no 2008. En 2011, acada o premio do FDC (Fondo para o Desenvolvemento Cinematográfico) para produción de curtametraxe co proxecto Salomé, rodada en Medellín ese ano e coa que acadou numerosos premios en festivais internacionais de cine.  En 2012, co-dirixe a serie de televisión Escobar, o patrón do mal, para Caracol TV, que acadou o premio á Mellor Dirección e Mellor Serie, nos Premios India Catalina da Televisión Colombiana 2013. No 2013-2014, co-dirixe a miniserie No sos vos, soy yo, adaptación do filme homónimo arxentino. A mediados de 2014 dirixe o filme Antes del fuego.
No 2013, acadou o premio de Desenvolvemento de Guión do FDC con este proxecto de longametraxe que rodou no 2016, e que, asemade, é o seu último traballo.
Ten dirixido tamén publicidade e contido web para produtoras. Ven de fundar recentemente a productora A Selva Cine,  xunto a Daniela Abad.





Aí van algúns enlaces sobre o filme:

Posted by
Fernando Llor

+Info

Dede

DEDE   de   MARIAM  KHATCHVANI

(DEDE)

XEORXIA    2017;   97’   V.O.S.C. 




                           












2018: PREMIO FIPRESCI AO MELLOR FILME E PREMIO Á MELLOR PRODUCIÓN E MELLOR DIRECCIÓN NO YEREVAN INTERNATIONAL FILM FESTIVAL
2018: GRAN PREMIO DO XURADO AO MELLOR FILME E A MELLOR PRODUCIÓN NO EURASIAN INTERNATIONAL FILM FESTIVAL
2018: PREMIO Á MELLOR FOTOGRAFÍA, MELLOR DIRECCIÓN E MELLOR PRODUCIÓN NO BEIJING INTERNATIONAL FILM FESTIVAL
2018: PREMIO DA AUDIENCIA Á MELLOR DIRECCIÓN E MELLOR PRODUCIÓN NO LET'S CEE FILM FESTIVAL
2017: PREMIO DA AUDIENCIA AO MELLOR FILME, MELLOR DIRECCIÓN E MELLOR PRODUCIÓN NO MONTPELLIER MEDITERRANEAN FILM FESTIVAL
2017: PREMIO DA UNESCO Á MELLOR DIRECCIÓN NOS ASIA PACIFIC SCREEN AWARDS
2017: PREMIO ESPECIAL DO XURADO Á MELLOR DIRECCIÓN E PRODUCIÓN NO BATUMI INTERNATIONAL ARTHOUSE FILM FESTIVAL
2017: PREMIO ESTE-OESTE CON MENCIÓN ESPECIAL Á DIRECCIÓN NO KARLOVY VARY INTERNATIONAL FILM FESTIVAL



                


SINOPSE
Filme ambientado no ano 1992.  Nunha  vila remota das montañas do Cáucaso nun lugar gobernado por séculos de tradición, unha muller é comprometida en matrimonio por o seu  avó  sen o seu consentimento. Ela está namorada doutro.




MARIAM  KHATCHVANI
Guionista  e  realizadora nada en 1986 en Xeorxia. Estuda Cine e Dirección de Televisión entre o 2004  e o  2008, no Teatro Rustaveli Shota, a Universidade Estatal de Xeorxia. Dirixe numerosas curtametraxes documentais: Verdzoba (2006), Máis alá da ventá (2007), e Lichanishi e Kvirikoba (2009). Dinola  (2013) é a primeira curtametraxe de ficción.
Con este filme debuta na longametraxe; na súa presentación dixo que a historia de Dede está baseada na vida da a súa avoa e dedicada a ela.
É tamén o seu último traballo.






Aí van algúns enlaces sobre o filme:

Posted by
Fernando Llor

+Info

Lean on Pete

LEAN  ON  PETE  de  ANDREW HAIGH

(LEAN ON PETE)
R.U.     2017;   121’    V.O.S.C. 









2018: PREMIO AO MELLOR DIRECTOR NO HEARTLAND FILM
2017: PREMIO Á MELLOR FOTOGRAFÍA DA ASOCIACIÓN INTERNACIONAL DE CINE

2017: PREMIO AO MELLOR ACTOR, CHARLIE PLUMMER, Á MELLOR FOTOGRAFÍA, MELLOR BANDA SONORA E MELLOR GUIÓN NO LES ARCS EUROPEAN FILM FESTIVAL 2017
2017: PREMIO MARCELLO MASTROIANNI AO MELLOR ACTOR MOZO, CHARLIE PLUMMER, NO  VENICE FILM FESTIVAL 2017



SINOPSE
Baseada na novela homónima de Willy Vlautin.
Un adolescente queda só ao falecer o seu pai e decide iniciar unha viaxe xunto a un cabalo de carreiras roubado. Agarda atopar a súa tía, da cal non sabe nada dende hai tempo.


ANDREW HAIGH
Guionista, realizador, montador, produtor e fotógrafo nado en 1973 en Harrogate, North Yorkshire, UK. Iníciase na profesión traballando na montaxe de filmes como Gladiador e Black Hawk Derrivado, antes de debutar como escritor e director  na curtametraxe  Oil. No 2009 debuta na  longametraxe con  Greek Pete, ambientada en Londres e centrada na prostitución masculina e que  foi presentada no London Lesbian and Gay Film Festival,  onde acadou o Premio do Artistic Achievement Outfest en 2009. O seguinte traballo foi Weekend (2011), sobre unha relación de fin de semana entre dous homes, acadando tamén numerosos premios nos diferentes festivais de cine nos que foi presentada. A terceira longametraxe foi
45 anos  (2015).
 The North Water, unha serie para a televisión é o seu ultimo traballo.





Posted by
Fernando Llor

+Info

Western

WESTERN    de   VALESKA  GRISEBACH

(WESTERN)  

ALEMAÑA    2017;   100’   V.O.S.C.
                               









2017: FESTIVAL  MAR DA PRATA: MELLOR DIRECTOR
2017: FESTIVAL DE SEVILLA: PREMIO ESPECIAL DO XURADO
2017: PREMIO ANXO AZUL Á MELLOR DIRECTORA NO ART FILM FESTIVAL
2017: PREMIO DO XURADO Á DIRECTORA NO YEREVAN INTERNATIONAL FILM FESTIVAL
2017: PREMIO MENCIÓN DE HONRA Á DIRECTORA NO JERUSALEM FILM FESTIVAL
2017: PREMIO FIPRESCI Á MELLOR DIRECCIÓN NO MOTOVUN FILM FESTIVAL
2017: PREMIO FIPRESCI E PREMIO DO XURADO NO T-MOBILE NEW HORIZONS INTERNATIONAL FILM FESTIVAL, POLAND

2018: PREMIO DOS CRÍTICOS DO CINE ALEMÁN Á MELLOR LONGAMETRAXE DO ANO 2017, E PREMIO AO MELLOR  ACTOR, MEINHARD NEUMANN

2018: PREMIO DO XURADO AO MELLOR FILME NO ISTANBUL INTERNATIONAL FILM FESTIVAL


SINOPSE
Unha cuadrilla de obreiros alemáns desprázase a unha vila búlgara para traballar na posta en marcha dunha central hidráulica. Molesta o seu descaro groseiro, e  ofende a saña eficiente coa que rozan a paisaxe, e os agravios das súas suores masculinas de rematar coa  paga no bar e berrar agudo ao paso das mozas.


VALESKA  GRISEBACH
Realizadora, guionista, editora e produtora nada en 1968 in Bremen, Alemaña. Primeiro estuda Filosofía e Literatura en Berlín, Munich e Viena; En 1993, empeza a estudiar Dirección na Academia de Cine de Viena, onde figuras como Peter Patzak, Wolfgang Glück e Michael Haneke estaban entre os docentes. O filme de graduación My Star (2001), unha historia de amor suave sobre dous adolescentes acada o Premio FIPRESCI no Festival Internacional de Cine de Toronto e  Premio ao Mellor filme no Festival de Cine de Turín. En Alemaña, acadou o Premio Primeiros Pasos. Sehnsucht (2004-2006), foi o seguinte traballo, unha historia de relacións composta na maior parte por actores e actrices non profesionais, coa que acadou tamén grandes éxitos de crítica e público.
Para a exposición "Pain", unha exposición conxunta do Museo de Historia Médica de Berlín e a Hamburger Bahnhof, produciu o vídeo documental Scars en 2007, onde a xente fala sobre as cicatrices  non desexadas ou desexadas e os recordos asociados da dor. Nos anos seguintes, traballa como profesora na Academia Alemá de Cine e Televisión de Berlín (dffb) e de asesora de guións, entre eles: The Education (2011) e Toni Erdmann (2016).
Esta é a  terceira longametraxe e o seu último traballo.





Aí van algúns enlaces sobre o filme:

Posted by
Fernando Llor

+Info
Con tecnoloxía de Blogger.

(cc) Creative Commons BY-NC-SA 3.0 · Cineclube Lumière

Modelo: Urang-kurai / fornecido por Blogger