LUNS 18 DE XANEIRO ÁS 20:00
SIN SEÑAS PARTICULARES de FERNANDA VALADEZ
(SEN SEÑAS PARTICULARES)
MÉXICO/ESPAÑA 2020; 99' V.O.S.C.
FILME PREMIADO CO WORK IN PROGRESS DO FESTIVAL DE CINE DE SAN SEBASTIÁN, 2020
PREMIO DO PÚBLICO E PREMIO ESPECIAL DO XURADO Ó MELLOR GUIÓN NO FESTIVAL DE SUNDANCE. 2020
PREMIOS MORELIA: MELLOR FILME MEXICANO, PREMIO DO PÚBLICO E PREMIO Á MELLOR ACTRIZ 2020
PREMIO Á MELLOR DIRECCIÓN E MELLOR FILME NOVEL, NO STOCKHOLM FILM FESTIVAL 2020
PREMIO Á MELLOR DIRECCIÓN NO THESSALONIKI FILM FESTIVAL
PREMIO AO MELLOR FILME NO ZURICH FILM FESTIVAL 2020
SINOPSE
Unha muller inicia unha travesía na busca do seu fillo, desaparecido na ruta á fronteira cos Estados Unidos. O percorrido desta nai entre vilas e paisaxes desoladas do México actual facilita a comprensión dun país que descoñece.
FERNANDA VALADEZ
Realizadora, guionista e produtora mexicana. Graduada no Centro de Capacitación Cinematográfica (CCC). Iníciase na profesión no 2010 coa curtametraxe De este mundo, acadando varios premios. 400 maletas (2014), foi o seu traballo fin de curso, unha curtametraxe seleccioada para a Editing Studio de Berlinale Talents, acadando diferentes premios orredor do mundo. Debuta na longametraxe con este filme, escrito coa bolsa de Artistas Mozos do Fondo Nacional das Artes (FONCA), proxecto que acada máis tarde financiamento de FOPROCINE (Fondo Mexicano para a Produción de Cine de Calidade) e tamén, dos fondos de postprodución do EFICINE.
No 2018, acada unha bolsa de guión do FONCA, coa que está escribindo a seguinte longametraxe, Rambler. É tamén socia fundadora das produtoras Enaguas cine e Corpulenta, coas que ten producido os filmes Plástico, de Ricardo Soto (2015), desenvolvido na Academia de cineastas de Locarno, e Os días máis escuros de nós, de Astrid Rondero, apoiado polo Fondo para América Latina de Tribeca e a Berlinale Talents Script Station, nomeada como mellor ópera prima e mellor actriz pola Academia das Artes Cinematográficas de México.
Este é o seu último traballo.
Posted by
Fernando Llor
