La vida sin Sara Amat


LA VIDA SENSE LA SARA AMAT de  LAURA  JOU        

(LA  VIDA  SIN  SARA  AMAT)  

ESPAÑA   2019;  75’  V.O.S.C.










PREMIOS DO PÚBLICO E PREMIO DA CRÍTICA NO BCN FILM FESTIVAL 2019


PREMIOS GAUDÍ: MELLOR MÚSICA ORIXINAL 2019

PREMIO PANTAIA ABERTA Á DIRECTORA NO ALCALÁ DE HENARES SHORT FILM FESTIVAL 2019

PREMIOS DO PÚBLICO E MELLOR DIRECCIÓN DE FOTOGRAFÍA NO FESTIVAL INTERNACIONAL DE CINEMA EN CATALÀ COSTA DAURADA 2020

PREMIO MELLOR FILME DA MOCIDADE E MELLOR DIRECCIÓN DO XURADO MOZO, NO ZLIN FILM FESTIVAL 2020

 

 

 

SINOPSE



Filme baseado na novela homónima de Pep Puig, coa que acadou o Premio Sant Jordi de Novela en 2015.

Un mozo namorado en secreto dunha moza na vila dos seus avos atopa a súa oportunidade unha noite de verán na que ela fuxe sen deixar rastro. Cando aparece agochada no seu cuarto, ela pídelle quedar alí con el.

 

 

 

 

LAURA  JOU  I BONET 

Directora, guionista profesora de teatro e actriz,  nada en Barcelona  no  1969. Formada como actriz no Instituto do Teatro en Barcelona, iníciase profesionalmente como asesora de  actores e actrices infantís, cos que ten participado en moitos filmes para proxectos nacionais e internacionais.

A súa curtametraxe “Non me quites” (2015), acadou tres biznagas no Festival de Málaga.

Este filme é o seu debut na longametraxe e o seu  último traballo.

Posted by
Fernando Llor

+Info

Colmena


HIVE    de    BLERTA   BASHOLLI

(COLMENA)  

KOSOVO   2021;   84’   V.O.S.C.











PREMIO Á MELLOR ACTRIZ, YLLKA GASHI, NO FESTIVAL DE VALLADOLID 2021
PREMIO ESPECIAL Á DIRECTORA NO PRIFEST - PRISHTINA INTERNATIONAL FILM FESTIVAL  2021
PREMIO AO MELLOR FILME, MONTPELLIER MEDITERRANEAN FILM FESTIVAL 2021
PREMIO TALENTO MOZO NO HAMBURG FILM FESTIVAL 2021
PREMIO DO XURADO AO MELLOR FILME, BERKSHIRE INTERNATIONAL FILM FESTIVAL (BIFF) 2021
PREMIO AO MELLOR FILME, BRAUNSCHWEIG INTERNATIONAL FILM FESTIVAL 2021
PREMIO XURADO AO MELLOR FILME, CINEDAYS SKOPJE FILM FESTIVAL 2021
PREMIO AO MELLOR FILME, CRESTED BUTTE FILM FESTIVAL 2021

 

 

 

 

SINOPSE

Baseada nunha historia real ubicada na vila Krushe e Madhe na que tiñan cento corenta viúvas e  máis de quinientas criaturas sen pai.

A protagonista non sabe si é viúva. O seu marido desapareceu na guerra de Kosovo. O  que sabe é que ten que manter ós dous fillos e o sogro. Precisa cartos, pero na vila ancestral e machista na que vive non está ben que unha muller traballe. Ela decide desafiar as tradicións

 

 

 

BLERTA   BASHOLLI

Directora, montadora, guionista e produtora, nada en 1983 en Kosovo.

Estuda Cine e Dirección na Academia Pristina de Artes de Kosovo, e marcha a Nova York a realizar un máster en Cine e televisión.

Escrebe e dirixe varias curtametraxes mentres estuda e traballa nunha compañía de produción.

Este é o último traballo.






Enlaces sobre o filme: 
https://www.elantepenultimomohicano.com/2022/03/critica-hive-colmena.html
https://www.lavanguardia.com/cultura/20220304/8098645/apedreada-conducir.html
https://www.abc.es/play/cine/noticias/abci-blerta-basholli-directora-colmena-espero-esta-historia-sirva-para-inspirar-muchas-mujeres-202202281139_noticia.html
https://www.elmundo.es/cultura/cine/2022/03/07/6224db3cfdddffc0b28b45c1.html
https://www.larazon.es/cultura/20220304/5gjhudsnb5fjdop2m2kueliidu.html
https://www.elespanol.com/el-cultural/cine/20220304/blerta-basholli-directora-hive-politicos-explotan-rencores/654434962_0.html

Posted by
Fernando Llor

+Info

Charlatán

ŠARLATÁN  de  AGNIESZKA    HOLLAND
(CHARLATÁN)
REPÚBLICA CHECA 2020; 118' V.O.S.C.








PREMIO MELLOR VESTIARIO NOS PREMIOS DO CINE POLACO, 2021

PREMIO AO MELLOR FILME, MELLOR DIRECCIÓN, MELLOR ACTOR, IVAN TROJAN, MELLOR SON E MELLOR FOTOGRAFÍA NOS PREMIOS DO CINE CHECO, 2021






SINOPSE
Biopic sobre Jan Mikolášek. O Estado o investiga e a prensa o denigra, pero o curandeiro sen formación médica ten cada mañán ante a súa casa colas quilométricas de enfermos ansiosos por deixar atrás a súa desesperanza. Acusado de ser un charlatán, tivo que amosar a validez dos seus métodos.



AGNIESZKA HOLLAND
Directora, produtora, actriz e guionista polaca nada no 1948. Moi recoñecida pola súa contribución á nova vaga do cine polaco.
Graduada na Academia de Cine e Televisión de Praga (FAMU) en 1971, iníciase como asistente de dirección de cineastas como Krzysztof Zanussi e Andrzej Wajda. Pouco antes de 1981 emigra a Francia. "Europa Europa" (1991), baseada na biografía de Solomon Perel, un adolescente xudío fuxido de Alemaña a Polonia trala "Noite dos cristais rotos" en 1938, foi o traballo que a deu a coñecer internacionalmente. Tamén é autora de "In Darkness", nomeada ao Oscar no 2011. No 2017 acadou o Oso de Prata polo filme "Spoor".

Outros traballos: "Olivier, Olivier" (1992). "O xardín secreto" (1993). "Vidas ó límite" (1995). "Washington square" (1997). "Mr. Jones" (2019).


Este é o seu ultimo traballo.




Enlaces sobre o filme: 
https://www.elantepenultimomohicano.com/2021/08/critica-charlatan.html

https://revistamutaciones.com/charlatan-critica/ 

Posted by
Fernando Llor

+Info

Eu nunca choro

 

JAK NAJDALEJ STAD  de  PIOTR  DOMALEWSKI
(EU NUNCA CHORO)
POLONIA/IRLANDA  2020;  97'  V.O.S.C.  
                           











GRAN PREMIO NA SECCIÓN NOVOS DIRECTORES NO FESTIVAL DE CINE DE SAN SEBASTIÁN 2020

PREMIO CINEUROPA, E PREMIO AO DIRECTOR NO FESTIVAL INTERNACIONAL DE CINE DE MONS 2021

PREMIO Á MELLOR ACTRIZ, ZOFIA STAFIEJ, NO DUBLIN INTERNATIONAL FILM FESTIVAL 2021

PREMIO DA AUDIENCIA E PREMIO AO MELLOR DIRECTOR NOS PREMIOS GOLDEN ROOSTER 2021

PREMIO Á MELLOR ACTRIZ, KINGA PREIS, E A MELLOR FOTOGRAFÍA NOS PREMIOS DO CINE POLACO 2021

 

 



 SINOPSE

Unha moza debe viaxar a Irlanda para trasladar a Polonia o corpo do seu pai morto nun accidente da construción. Lonxe de interesarse por el, ela só quere saber si o pai chegou a aforrar os cartos necesarios para o coche que lle tiña prometido. Mentres lidia coa burocracia, comenza a coñecer ao seu pai.




PIOTR  DOMALEWSKI

Compositor, guionista, actor e director nado en Łomża, Polonia, no 1983.
Iníciase profesionalmente con varias curtametraxes que teñen sido premiadas en diversos festivais europeos: "Stranger" (2013), "60 quilos de nada" (2017). "Silent Night" (2017), é o seu debut na longametraxe, tamén con varios galardóns.
Esta é a súa segunda longametraxe.
"Accion Jacinto"  (2021), é o seu último traballo.

Posted by
Fernando Llor

+Info
Con tecnoloxía de Blogger.

(cc) Creative Commons BY-NC-SA 3.0 · Cineclube Lumière

Modelo: Urang-kurai / fornecido por Blogger