RAFEA  Y  EL   SOL     (RAFEA E O SOL) 

USA  2012   

76minutos/ COR V.O.S.C. 

                                                    

Rafea, unha muller beduina que vive con catro fillas nunha vila do deserto de Xordania, na fronteira con Irak, ten a oportunidade de viaxar á India para asistir ao programa do Barefoot College, onde mulleres analfabetas de todo o mundo acadan formación durante seis meses para ser inxenieiras solares. Se todo vai ben, poderá electrificar a súa vila, formar a outras persoas e manter as súas fillas. 

JEHANE NOUJAIM 

Directora, fotógrafa, guionista, produtora e montadora nada no Cairo, en 1974. Iníciase profesionalmente como fotógrafa, máis tarde múdase ós Estados Unidos a estudar cine e filosofía en Harvard. Ten traballado como directora e produtora de filmes como Startup.com (2001), Control Room (2004), The Square (2013). Al midan (2013), é o seu último traballo.

MONA ELDAIEF 

Directora, guionista e fotógrafa nada no Cairo. Creceu nos Estados Unidos onde estudiou Ciencias Políticas e Fotografía. Ten traballado como directora de fotografía nos documentais A Wedding in Ramallah (2002) e Her Name Is Zelda (2003). O seu último traballo como directora é Independent Lens (2012), unha serie para a televisón.

podedes ollar o tráiler en: http://www.youtube.com/watch?v=OkJ-_cImZ2o

STOCKHOLM    (STOCKHOLM) 

ESPAÑA  2013;   

90minutos/ COR V.O.        

   

-PREMIO O MELLOR ACTOR REVELACIÓN, JAVIER PEREIRA, NOS PREMIOS GOYA, ESPAÑA, 2014 

-PREMIO Á MELLOR ACTRIZ, AURA GARRIDO, MELLOR ACTOR REVELACIÓN, JAVIER PEREIRA E MELLOR DIRECTOR REVELACIÓN, DOS ESCRITORES DE CRÍTICA CINEMATOGRÁFICA, ESPAÑA, 2014 

-PREMIO Á MELLOR ACTRIZ, AURA GARRIDO, MELLOR GUIÓN E MELLOR DIRECTOR, NO FESTIVAL DE CINE DE MÁLAGA, 2013

SINOPSE

Unha noite nunha discoteca, ves unha moza, e namóraste. Tras rematar na cama con ela, que ocorrería se o día seguinte non é a moza que parecía ser? Unha noite nunha discoteca, estás cansada e achégase un mozo que di terse namorado de ti, insiste. Comprobas que non é o típico ligón gracioso. Notas que che gusta, e pasas a noite con el. Que ocorrería se o día seguinte non é o que parecía ser?

RODRIGO SOROGOYEN

Director, guionista e produtor. Licenciado na ECAM na especialidade de guión. Iníciase profesionalmente moi mozo como guionista e dialoguista de series para a televisión. No 2007 escribe e dirixe xunto a Peris Romano o filme 8 Citas. Logo traballa como guionista e director na produtora Illa de Babel para series como Impares e A pecera de Eva. O seu segundo guión xa en solitario, 25, está en fase de financiamento e, ten un terceiro guión, Impossible Germany, escrito xunto a Daniel Remón. Este é o seu ultimo traballo.

podedes ollar o tráiler en: http://www.youtube.com/watch?v=HSaU82uXH5I

 METRO MANILA      (METRO MANILA) 

 FILIPINAS/R.U. 2013    

 99 minutos/ COR V.O.S.C.   

-PREMIO AO MELLOR DIRECTOR NOS PREMIOS INDEPENDENTES DO CINE BRITÁNICO, 2013

-PREMIO DA CRÍTICA NO FESTIVAL INTERNACIONAL DE CINE DE HAMBURGO, 2013

-PREMIO DA AUDIENCIA AO MELLOR DIRECTOR NO FESTIVAL INTERNACIONAL DE CINE DE SUNDANCE, 2013

SINOPSE

Óscar e a súa familia deixan os campos de arroz do norte de Filipinas para mudarse a Manila. Alí, Óscar cre ter un golpe de sorte cando acada un traballo estable nunha compañía de camións blindados; trátase dun traballo perigoso cun alto índice de mortalidade.

SEAN ELLIS

Guionista, fotógrafo e realizador nado en 1970 en Brighton (Reino Unido). Na segunda metade dos 90 traballou como fotógrafo de moda en revistas como iD, The Face, Visionaire, Dazed and Confused ou nas edicións de Vogue en Francia, Estados Unidos e Xapón. Iníciase no audiovisual dirixindo afamados videoclips musicais e posteriormente anuncios para Jean-Paul Gaultier, 02, Land Rover ou Rimmel. No seu libro 365, A Year in Fashion, recolle fotografías personais e comerciais tomadas durante 1999. Ten colaborado con David Lynch nunha serie de fotografías que foron publicadas no Harper´s Bazaar.

Outros dos seus traballos son as curtas: Left Turn (2001), Cashback (2004), Voyage d'affaires (2008). Debuta na longametraxe con Cashback (2006) e logo The Broken (2008)

Este é o seu último traballo.

LAS MAESTRAS DE LA REPÚBLICA  (AS MESTRAS DA REPÚBLICA) 

ESPAÑA  2013

65 minutos/ COR V.O.

SINOPSE

As mestras republicanas participaron na conquista dos dereitos das mulleres e na modernización da educación, baseada nos principios da escola pública e democrática. Este documental descobre o seu legado. 

PILAR PÉREZ SOLANO 

Guionista, produtora e realizadora nada en Alacante. Estuda na Complutense, en Madrid, Imaxe e Son, e completa os seus estudos na Escola de Cine TAI. Tras uns anos traballando en produción de cine, no 1993 incorpórase ao equipo de produción propia de Canal+. Como directora de produción deste departamento ten producido títulos como Lisboa, Faca no Coraçao, Poeta en Nova York, programas especiais sobre os Oscar, Vivir e morrer nas Vegas, sobre o mundo da publicidade, sobre arte, sobre cine Auster e Wang. Ademais, produce unha serie de reportaxes de actualidade baixo o título Código Plus. No 2000 incorpórase ao equipo de Produce +, traballando coas principais produtoras españolas, Dalí, Mestre de soños, Picasso e as súas mulleres, Chavela Vargas, 50 anos esperando a Mr. Marshall. No 2003 iníciase como directora dentro do Grupo Sogecable dirixindo documentais e programas, Universo Hip Hop, Mil e unha Lolas Presidentes de Película, A fama e o seu séquito, entre outros. No 2007, abandona Sogecable e crea produtora propia, Transit Producciones S.L. Tras diferentes proxectos na produción, no 2010 dirixe e produce o documental Murais. Tamén dirixe as galas e colabora co festival de Cine de Cuenca, Mulleres en dirección, dende o seu inicio.

Este é o seu último traballo.

*Haberá unha presentación e posterior coloquio a cargo de Rogelio Pérez Poza. Profesor do IES Xunqueira de Pontevedra e Secretario da Fundación Luis Tilve.

A entrada a esta proxección é libre e gratuita até completar aforo, grazas á colaboración da FETE, UGT.

Podedes ollar o tráiler en: http://www.rtve.es/alacarta/videos/premios-goya/trailer-maestras-republica/2355246/