BAIKONUR 

(BAIKONUR)

ALEMAÑA/RUSIA/KAZAJISTÁN

2011

SINOPSE
Medio século despois de que Yuri Gagarin viaxara ao espazo, na base de Baikonur, onde malviven nativos vendendo restos de chatarra aeronáutica, conmemoran o fito. Lanzan unha nave con tres astronautas, entre eles unha turista francesa que ten pagado unha fortuna polo capricho. Un campesiño mozo, Gagarin, queda namorado dela. Un mergullo polos nosos espazos interiores.


VEIT HELMER
Realizador, fotógrafo, montador, produtor e guionista nado en 1968 en Hannover, Alemaña. Estuda Arte e Dirección na Escola de Cine de Múnic. Codirixiu xunto a Win Wenders A Trick of Light, premiada en Venecia no 1997. Debuta na longametraxe con Tuvalu (1999), con ela acadou excelentes críticas pola súa orixinalidade e renovadora proposta cinematográfica. Logo vén Gate to Heaven (2003). No 2008, co filme Absurdistan acada sona nos mellores festivais internacionais de cine. Ten dirixido tamén filmes documentais. Behind the Couch, premiado varias veces e emitido na BBC.
É membro da Academia de Cine Europeo dende o 2002 e imparte docencia en escolas de cine de Beirut, Tbilisi, Xacarta, Tashkent e Bogotá.
Quatsch und die Nasenbärbande é o seu ultimo traballo.

        

Podedes ollar  o tráiler en: https://www.youtube.com/watch?v=Cipu4WPydj8

Posted by
Fernando Llor

LA CASA 

(A CASA) 

COLOMBIA/ESPAÑA 2009

PREMIO Á MELLOR DIRECCIÓN E PRODUCIÓN NO LEIPZIG DOK, FESTIVAL DE DOCUMENTAIS, 2009

SINOPSE

Na periferia de Bogotá, unha familia vive da reciclaxe e da cría de animais. Soñan cunha casa que teña auga corrente e electricidade, pero as disputas familiares dificultan aínda máis as posibilidades de progreso.

TAYO CORTÉS

Realizador, fotógrafo e guionista nado en 1978 en Pasto, ao sur de Colombia. En 1998, trasládase a Barcelona onde estuda dirección e fotografía no Centro de Estudos Cinematográficos de Cataluña (CECC). Na actualidade traballa como director de fotografía da rede catalá XTVL preparando a primeira longametraxe de ficción.

Iníciase profesionalmente coa curtametraxe documental Close to Greenaway (2005). No 2006 debuta na longametraxe documental con O exterior. No 2007 roda Louisiana 1827

Este é o seu último traballo.

Podedes ollar  o tráiler en: http://vimeo.com/76185364

Posted by
Fernando Llor

LOW TIDE 

(MAREA BAIXA) 

USA/ITALIA/BÉLXICA 2012

PREMIO ESPCIAL DA FUNDACIÓN CHRISTOPHER D. SMITHERS, NO FESTIVAL INTERNACIONAL DE CINE DE VENECIA, 2012

SINOPSE

Un neno e a súa nai, solteira, viven vidas paralelas. El pasa os días só, mentres ela traballa e sae coas amizades. A soidade do rapaz é unha fonte de liberdade, pero tamén de tristeza. As súas exploracións sacan lentamente á luz os escuros contrastes que existen entre as regras sociais e as leis da natureza.

ROBERTO MINERVINI

Guionista, realizador, produtor e montador italiano. Cursou estudos na New School University, de Nova York, e de Historia do Cine na Universidade Autónoma de Madrid.

Iníciase profesionalmente coas curtametraxes, Voodoo Doll, Come to Daddy, Notes (2005), As bacalouras (2006). Este filme forma parte dunha triloxía sobre Texas coa que debuta na longametraxe, The Passage (2011), foi a primeira, e a remata co seu último traballo Stop the Pounding Heart (2013), aínda sen estrear no noso país.

Podedes ollar o tráiler en: https://www.youtube.com/watch?v=pUW-wJmPtOc

Posted by
Fernando Llor

SUR  LA  ROUTE  DU  PARADIS 

                       (CAMIÑO   DO   PARAÍSO)                    FRANCIA/MARROCOS  2011;

PREMIO FIPRESCI Á MELLOR CURTAMETRAXE E PREMIO MUHR ARAB, NO FESTIVAL INTERNATIONAL DE CINE DE DUBAI, 2011

SINOPSE

Leila e seus dous fillos deixan o seu país para instalarse en Francia. Non ten papeis, intenta reunirse co seu marido refuxiado en Inglaterra, quere dar unha vida mellor ós seus e esfórzase en crialos na clandestinidade. Cando localiza o seu home e xa ten os cartos, o cerco se estreita.

UDA BENYAMINA

Directora, guionista e produtora marroquí, nada en 1981. Trasládase a París e dende alí, frecuenta numerosas escolas de dirección, l'ERAC (Ėcole Régionale d'Acteurs de Cannes), l'Accademia di Minsk en Bielorrusia e a prestixiosa Actor's Studio en Nova York. Dirixe varias curtametraxes, este é o seu ultimo traballo

podedes ollar o tráiler e as declaracións da directora no festival de Tánxer en:

https://www.youtube.com/watch?v=xRi7JciO1Cc

https://www.youtube.com/watch?v=WRQftdNf0SA

MKHOBBI  FI  KOBBA

(SOBRESALTOS)    

TÚNEZ  2011   

PREMIO MELLOR CURTAMETRAXE NO FESTIVAL INTERNACIONAL DE CINE DO MEDITERRÁNEO DE TETUÁN E NO FESTIVAL PREMIERS PLANS D’ANGERS 2012

SINOPSE

Nos fogares da burguesía tunecina trátase de ocultar calquera circunstancia dramática. Cando unha moza regresa a casa magoada tras unha agresión, a familia axúdaa pero tamén a fai sentir culpable.

LEYLA BOUZID

Directora e guionista nada en Túnez. Tras licenciarse trasládase a París para estudar literatura francesa. Estuda Dirección na FEMIS de París. No 2006 co-dirixe a curtametraxe Sbeh el Khir. No 2008 roda o documental La tête qu’elle veut, e no 2010, a curtametraxe Un ange passe. Este é o seu último traballo.

podedes ollar o tráiler en:

http://buni.tv/video/soubresautssudden-leaps-clip/

Posted by
Fernando Llor