LUNS 12 de xuño de 2017

RENT A FAMILY INC de KASPAR ASTRUP SCHRÖDER

(ALUGA UNHA FAMILIA)

DINAMARCA 2012; 77’ V.O.S.C.

SINOPSE

Historia única e impredecíbel sobre o home Ryuichi Ichinokawa e o seu curioso xeito de vida. El é un home xaponés aparentemente normal. Ten 44 anos, está casado, é pai de dous fillos e vai cada día traballar á oficina de correos. Todo semella normal, aínda que ten un segredo, mesmo para a súa familia: ten unha empresa chamada Hagemashi Tai (“quero subir o teu ánimo”), un dos negocios máis peculiares de Xapón, dedicado ao alugueiro de parentes, amizades, colegas ou parellas falsas. Pódese aparentar a felicidade?

KASPAR ASTRUP SCHRÖDER 

Guionista, realizador, produtor, montador, artista visual e fotógrafo nado en 1979 en Dinamarca. No 2004 funda en Copenhague a empresa Kaspar e traballa con frecuencia en en Asia. Algúns dos seus documentais máis destacados son Surfers City (2007), premiado no Danish Adventure Film Festival; The Invention of Dr. Nakamats (2009), seleccioado no IDFA; ou My Playground (2010), sobre parkour e freerunning.

O seu ultimo traballo é III Waiting for the Sun (2016)

Aí van algúns enlaces sobre o filme:

GIRL ASLEEP de ROSEMARY MYERS

(A MOZA DURMIDA) 

AUSTRALIA 2015; 77’ V.O.S.C.

Finais dos anos 70. Final da infancia para Greta, a piques de cumprir quince anos, non remata de integrarse na nova escola. Mentres a nai prepara a súa festa de aniversario, ela séntese cada vez máis acosada por todos: pola súa irmá máis vella, polo resto da clase e mesmo polo seu único amigo, o excéntrico Elliott.

ROSEMARY MYERS

Realizadora e produtora. 

Este filme é a adaptación dunha obra de teatro escrita por Matthew Whittet, e que forma parte dunha triloxía de historias de mocidade xunto a Fugitive (2010), e School Dance (2012). Todas elas creadas e levadas á escena no Teatro Widmill de Adelaida (Australia), onde a cineasta era directora artística. Traballos con potentes ritos adolescentes na complexa viaxe da infancia á madurez. No 2012, a directora e o guionista foron invitados a participar en Hive Fund, unha iniciativa única de financiamento do Festival de Cine de Adelaida que prove a artistas creativos de calquera disciplina explorar no mundo do cine. Este foi o resultado. A directora dixo deste traballo, “todas e todos os adolescentes intérnanse nun bosque, algúns o atravesan e aparecen por outro lado. Outros pasan por duros tempos facendo o seu camiño polo bosque na súa mocidade, e os últimos entran no bosque e non saen nunca máis”. 

Supón o seu debut no cine como realizadora. É o seu último traballo.

Aí van algúns enlaces sobre o filme: