MATTERHORN (MATTERHORN)

HOLANDA 2013;

87 minutos/ COR V.O.S.C.

       

-PREMIO Á MELLOR LONGAMETRAXE DE FICCIÓN NA DÉCIMO PRIMEIRA EDICIÓN DO FESTIVAL INTERNACIONAL DE CINE E ARTES ESCÉNICAS GAY-LESBO-TRANS DE BILBAO ZINEGOAK, 2014
-PREMIO PILAR MIRÓ AO MELLOR DIRECTOR NOVO NO FESTIVAL INTERNACIONAL DE CINE DE VALLADOLID, 2013
-PREMIO DA AUDIENCIA AO MELLOR FILME NOS FESTIVAIS INTERNACIONAIS DE CINE DE MOSCOVA, E ROTTERDAM, 2013

SINOPSE

Un devoto viúvo calvinista leva unha vida respectable e aburrida dende que botou fóra o seu único fillo. De repente chega Theo, un adulto cunha idade mental de cinco anos. El sente a paternidade de novo, é protector e mesmo o coida do acoso dos mozos e do pretensioso e fanático sacristán. Cando Theo pide casar con el, os segredos e remordementos máis escuros de ambos homes saen.

MICHIEL REICHWEIN

Director, guionista, actor, compositor e produtor nado en Enschede, Overijssel, Holanda, no 1969. Estuda na School for Drama & Contemporary Music Theatre. É un actor e guionista moi coñecido por Alles is familie (2012). Ten dúas curtametraxes como director, Naked (2006), e Succes (2008). Logo un filme para a televisión, Gewoon Hans (2009). 

Con este filme debuta na longametraxe. O seu último traballo é Hartenstraat (2014), como actor.

Podedes ollar o tráiler en: https://www.youtube.com/watch?v=HwJwHHWiez0

Posted by
Fernando Llor

DOG    POUND  (A  CANCEIRA)

FRANCIA/CANADÁ/REINO UNIDO 2010;

91 minutos/ COR V.O.S.C.

-PREMIO AO MELLOR DIRECTOR POR A NOVA NARRATIVA, TRIBECA FILM FESTIVAL, 2010

SINOPSE

Tres delicuentes mozos son enviados a un correccional no que teñen que sobrevivir enfrontándose a bandas violentas. Morte e acoso por parte dos traballadores da prisión e do resto dos presos.

KIM CHAPIRON

Actor, produtor, guionista, fotógrafo e realizador nado en 1980, en París. 

Iníciase profesionalmente coa curtametraxe La barbichette (2002). Debuta na longametraxe con Sheitan (2006).

O seu último traballo é La crème de la crème (2014)

podedes ollar o tráiler en: https://www.youtube.com/watch?v=D3a3lAdkvLA

Posted by
Fernando Llor

OH BOY  (OH BOY)

ALEMAÑA 2012; 

85 minutos/ COR V.O.S.C.   

                                                    

-PREMIO MELLOR DIRECTOR NO FESTIVAL INTERNACIONAL DE CINE DE BRATISLAVA, 2012

-PREMIO AO MELLOR FILME INDEPENDENTE, NO OLDENBURG FILM FESTIVAL, 2012

-PREMIO AO MELLOR DIRECTOR MOZO ALEMÁN E PREMIO DA CRÍTICA AO MELLOR PRIMEIRO FILME, NO MUNICH FILM FESTIVAL 2012

-PREMIO DA AUDIENCIA AO MELLOR DIRECTOR NO TALLINN BLACK NIGHTS FILM FESTIVAL 2012

-PREMIO NEW FACES, AO MELLOR DIRECTOR, ALEMAÑA 2013

-PREMIO MELLOR GUIÓN NA ROMY GALA, AUSTRIA 2013

-PREMIO AO MELLOR FILME, MELLOR ACTOR, TOM SCHILLING, MELLOR DIRECCIÓN, MELLOR MÚSICA, NOS PREMIOS DO CINE ALEMÁN, 2013 

-PREMIO Á MELLOR ÓPERA PRIMA NOS PREMIOS DO CINE EUROPEO, 2013 

SINOPSE

A sorte semella ter dado as costas a Niko Fischer, soñador, antiheroe sen solución. A moza está cansa de estar ao lado dun lacazán. O pai fai como que non existe e o psicólogo acaba de o declarar emocionalmente inestable. Nin sequera pode acadar unha mísera cunca de café coa que substituír ese alcohol que antes afogaba os seus medos. Tal vez a esperanza de atopar, ao chou, o seu lugar no mundo empúrrao ao vagabundeo por un Berlín en branco e negro a ritmo de jazz.

JAN OLE GERSTER

Actor, produtor, guionista e realizador nado en en 1978 en Hagen, Alemaña do Leste. No 2000, tras rematar os seus estudos, trasládase a Berlín para realizar unhas prácticas na produtora X Filme. Medio ano despois de estar traballando na compañía, xa é o asistente persoal de Wolfgang Becker na exitosa Good Bye, Lenin! (2003). A finais do 2003, inicia os seus estudos de Dirección e Realización na Deutschen Film- und Fernsehakademie (Academia Alemá de Cine e Televisión) de Berlín. Neste tempo fai numerosos cursos de cine e escrebe xunto a Wolfang Becker o guión do episodio Krankes Haus para o filme colectivo Germany 09: 13 Short Films About the State of the Nation (2009).

Con este filme fai o seu debut na longametraxe. É o seu último traballo.

Podedes ollar o tráiler en: https://www.youtube.com/watch?v=fhyvwb3L7fo

Posted by
Fernando Llor

HISTÓRIAS DO CINEMA (CENTRO HISTÓRICO)

PORTUGAL 2012;

90 minutos/ COR V.O.S.C.

       

SINOPSE

Guimarães (cidade fundadora de Portugal), que historias ten que contar? A resposta a esta pregunta topámola nas distintas voces dos catro realizadores, con olladas únicas do cine e que xuntos participan neste filme. As múltiples dimensións da historia mesturan ficción e realidade; as cousas, non son aquilo que a primeira vista semellan. 

O taberneiro (Kaurismäki), Doce exorcista (Costa), Vidros partidos (Erice) e, O conquistador, conquistado (Oliveira). Catro curtas moi diferentes que teñen como fío condutor a cidade de Guimarães, onde cada unha delas ofrece un pequeno fresco da realidade portuguesa no 2012. Queda latexando no público a calma coa que Erice desenvolve a narración, quédanos un aceno logo de ver a realidade do taberneiro de Kaurismaki, arrepiámonos co relato do Ventura de Costa e pensamos que o fragmento de De Oliveira quizais sexa lixeiro, para o que nos ten acostumados.

*Contaremos coa presenza de Víctor Paz Morandeira, co-director da Cuarta Parede, que virá presentar o libro Jugar con la Memoria. El Cine Portugués del siglo XXI. Haberá exemplares á venda

Podedes ollar o tráiler en: https://www.youtube.com/watch?v=KUoxTOYyw4A

Posted by
Fernando Llor