Historias de Lavapiés


HISTORIAS DE LAVAPIÉS 

(HISTORIAS DE LAVAPIÉS)
ESPAÑA 2014






SINOPSE

Ficción sobre a vida de persoas normais e a cotianidade nun momento determinado das súas vidas. Co madrileño barrio de Lavapiés como escenario é inevitable o trasfondo social. Barrio de contrastes culturais e cunha estreita convivencia no que se producen ás veces conflitos éticos e violentos, pero que en ocasións favorecen o diálogo e a solidariedade.




RAMÓN LUQUE

Guionista, escritor, produtor e director. É profesor na Facultade de Comunicación na Universidade Rei Juan Carlos de Madrid, e Doutor pola Universidade de Salamanca. Licenciado en Xornalismo, practicou esta actividade durante catorce anos de traballo en diferentes medios de comunicación. Tamén é autor das longametraxes O Proxecto Manhattan (2006), e Hollywood (2010), coa colaboración do realizador Juanjo Domínguez. 

Investigador e académico do cine especializado en directores cinematográficos como Woody Allen e Ingmar Bergman que o leva a ser o autor de nove libros entre ensaio e ficción. Entre eles destacamos, Na busca de Woody Allen: sexo, morte e cultura no seu cine, Todos somos Woody Allen: neurose e exclusión social, Bergman: o artista e a máscara, Última novela: Cuba, Berlín é outra festa, Helena é un sentimento.

Este é o seu primeiro filme en solitario. É tamén, o seu último traballo.

Posted by
Fernando Llor

+Info

Five days to dance


FIVE DAYS TO DANCE 

(FIVE DAYS TO DANCE) 
                     ESPAÑA 2014                        





SINOPSE

Wilfried Van Poppel e Amaya Lubeigt son os coreógrafos. O holandés, ela vasca. A danza é a linguaxe común. Non importa o lugar. Cinco días, unha clase de mozos, un microcosmos no que sucede un pequeno big-bang.

A danza obriga a estes mozos a romper os seus roles. O líder deixa de ser o máis admirado, o tímido da un paso adiante... Bailar obriga a tocarse. Comunícanse, iguálanse. Algún non se liberará até o último instante.




RAFA MOLÉS 

Director, produtor, guionista e xornalista. En 2012, acadou o premio de xornalista do ano na terceira Edición dos Premios de Periodismo da Comunidade Valenciana. É o creador do equipo de investigación de RTVV e o autor de dezaoito documentais para a televisión.



PEPE ANDREU

Director, guionista e produtor. Licenciado en Ciencias da Información, Imaxe Visual e Auditiva. Ten quince anos de experiencia como produtor televisivo, director de documentais e reporteiro de informativos.

É o último traballo de ambos.




Posted by
Fernando Llor

+Info

A RECONSTRUCCIÓN

LA RECONSTRUCCIÓN 

(A RECONSTRUCCIÓN) 

ARXENTINA 2013; 









PREMIO DA ASOCIACIÓN DE CRÍTICOS DE CINE ARXENTINOS AO MELLOR ACTOR, DIEGO PERETTI, 2014

PREMIO AO MELLOR ACTOR, DIEGO PERETTI, NO FESTIVAL INTERNACIONAL DE CINE DA HAVANA, 2013

PREMIO AO MELLOR DIRECTOR, DOS CRÍTICOS DE CINE NO FESTIVAL INTERNACIONAL DE CINE DE VALLADOLID, 2013




SINOPSE

Un eficiente e obsesivo traballador dunha empresa petroleira que semella desprovisto de calquera tipo de emoción altera a súa rutina cando lle piden que marche uns días a Ushuaia. A viaxe e o reencontro cun vello amigo e a súa familia sácano do seu marasmo vital e espertan nel algo que o empurra a reconstruír o seu pasado e a reconsiderar o seu presente e o seu futuro.




JUAN TARATUTO

Realizador, produtor e guionista nado en Bos Aires, en 1971. 

Estuda Ciencias da comunicación na UBA e Cine na Escola de Cine de Avellaneda e na Fundación Universidade do Cine (FUC). Dende 1995 traballa como director publicitario para o mercado local e exterior. Ten traballado para produtoras como Perruca Films, Arxentina Cine e A Brea Producións. Os seus anuncios publicitarios teñen acadado premios nos festivais FIAP, Cannes, CLIO, entre outros. Debuta na longametraxe con No sos vos, soy yo (2004), logo rodou Quen di que é fácil? (2007) e Fallas de orixe (2010), unha curtametraxe. 

Papeis no vento aínda sen estrear é o seu último traballo.




Posted by
Fernando Llor

+Info

Slimane


SLIMANE 


 (SLIMANE)
ESPAÑA/FRANCIA/MARROCOS 2013



PREMIO Á MELLOR LONGAMETRAXE NO FESTIVAL INTERNACIONAL DE CINE DAS PALMAS, 2014
PREMIO Á MELLOR ÓPERA PRIMA NO IBAFF INTERNATIONAL FILM FESTIVAL, 2014

SINOPSE 
Dous mozos son expulsados de centros tutelados tras maioría de idade. Na rúa, os días pasan sen moito máis que facer. Acadar cartos, traballo, xogar ao fútbol e fuxir da policía. O tempo e diferente, infinito. 



JOSÉ ÁNGEL ALAYÓN 

Guionista, montador, produtor e director nado en Tenerife en 1980. Estuda realización no CEV en Madrid e varios obradoiros na EICTV en Cuba, onde tamén se especializa en Dirección Cinematográfica. No 2004 crea xunto a outros estudantes A viaxe produccións, no 2008, o Centro de Estudos Cinematográficos de Canarias. 

Iníciase como realizador coas curtametraxes, Neno con chuvia (2003), Vento de cidade (2006), O insomnio (2010) e Un día no paraíso (2011). 

Con este filme debuta na longametraxe.  É o seu último traballo.

Posted by
Fernando Llor

+Info
Con tecnoloxía de Blogger.

(cc) Creative Commons BY-NC-SA 3.0 · Cineclube Lumière

Modelo: Urang-kurai / fornecido por Blogger