Policía en Israel


HA-SHOTER 

(POLICÍA EN ISRAEL) 
ISRAEL 2011




PREMIO DO XURADO AO MELLOR GUIÓN NO FESTIVAL INTERNACIONAL DE CINE DE PHILADELPHIA, 2011
PREMIO DA AUDIENCIA AO MELLOR DIRECTOR NO FESTIVAL INTERNACIONAL DE CINE THREE CONTINENTS DE NANTES, 2011
PREMIO ESPECIAL DO XURADO AO MELLOR DIRECTOR NO FESTIVAL INTERNACIONAL DE CINE DE LOCARNO, 2011
PREMIO AO MELLOR GUIÓN, MELLOR FOTOGRAFÍA E PREMIO AO MELLOR DIRECTOR NOVEL NO FESTIVAL INTERNACIONAL DE CINE DE XERUSALÉN, 2011
PREMIO AO MELLOR DIRECTOR E MELLOR FILME NO FESTIVAL INTERNACIONAL DE CINE DE BOS AIRES, 2012 
PREMIO AO MELLOR DIRECTOR NOVEL NO FESTIVAL INTERNACIONAL DE CINE DE SAN FRANCISCO, 2012 

SINOPSE 
Un policía que pertence a un grupo de elite da unidade antiterrorista israelí cuxos membros son a arma coa que o Estado apunta os seus inimigos. Encantado co seu traballo e ilusionado por a súa próxima paternidade. O encontro cun grupo violento mudará as cousas. 

NADAV LAPID 
Realizador montador, actor e guionista, nado en Tel Aviv en 1975. Estuda Filosofía e Historia antes de formarse na Escola de Cine e Televisión Sam Spiegel en Xerusalén. Dirixe dúas curtametraxes Proyect Gvul (2004) e Kvish (2005). A mediometraxe Ha-Chavera Shell Emile (2006), foi o seguinte traballo antes de debutar na longametraxe como realizador con este filme. 
O seguintes filmes foron o documental Footsteps in Jerusalem (2013), e A mestra do parvulario (2014). Os seus últimos traballos na dirección son as curtametraxes Love Letters to Cinema (2014) e Lama? (2015).





Podedes ollar entrevistas e tráiler do filme:


Posted by
Fernando Llor

+Info

COLD IN JULY


COLD IN JULY 

(FRÍO EN XULLO) 
USA 2014




PREMIO AO MELLOR DIRECTOR NA SECCIÓN OFICIAL ÓRBITA, NO FESTIVAL DE SITGES, 2014



SINOPSE

Filme baseado na novela homónima de Joe R. Landsdale. Conta a historia dun tipo corrente, un pai de familia nunha vila de Texas que unha noite mata en defensa propia a un ladrón que atopa na súa casa. O caso péchase, pero o pai do ladrón, un ex convicto cun longo historial delictivo chega á vila buscando vinganza.



JIM MICKLE

Director, guionista, montador, director de arte, técnico de son, actor e produtor estadounidense. Iníciase na realización coa curtametraxe The Underdogs (2002). Debuta na longametraxe con Mulberry St (2006). Logo viñeron, Vampiros do hampa (2010), Somos o que somos (2013). Hap and Leonard, unha serie para a televisión é o seu último traballo.




Posted by
Fernando Llor

+Info

STILL MINE


STILL MINE 

(QUÉDATE COMIGO)
CANADÁ 2012



PREMIO AO MELLOR ACTOR, JAMES CROMWELL, NOS PREMIOS GENIE, 2013

PREMIO AO MELLOR DIRECTOR, DA GUÍA DE DIRECTORES CANADIANOS, 2013
PREMIO Á MELLOR MONTAXE, DOS MONTADORES DE CINE CANADIANO, 2013


 SINOPSE

Unha parella cunha longa vida xuntos enfróntase cun grave problema legal cando ela enferma e as escaleiras da a súa casa convértense nun risco cotiá. El emprega o que sempre tivo, as súas mans, pero dende que el construía casas, o mundo ten mudado moito. As novas leis ameazan con levalo ao cárcere.



MICHAEL MCGOWAN

Director, guionista, técnico de son e produtor canadiano nado no 1966 en Toronto. Graduado na Universidade de Carolina do Norte cun BA en Inglés. De volta ao seu país traballa como xornalista en medios como Toronto Life ou The Globe and Mail, entre outros. Máis tarde inicia o seu traballo na industria da televisión, axudando a crear a serie infantil en stop-motion As aventuras de Henry. Logo escribe e dirixe o filme Na busca dun milagre (2004), con el acada o Premio Outstanding Achievement, outorgado pola Dirección do Sindicato de Directores de Canadá e o Gremio de Escritores de Canadá ao Mellor Filme.
Entre a súa filmografía destacamos: My dog Vincent (1998), A Hockey Musical (2010), Kung Fu Crabtree (2014), The Death of Dr. Ogden (2014). Between, unha serie para a televisión é o seu último traballo.



Posted by
Fernando Llor

+Info

PARTY GIRL

PARTY GIRL 

(MIL NOITES, UNHA VODA) 
FRANCIA 2014




PREMIO DA AUDIENCIA Á MELLOR DIRECCIÓN NO PARIS CINEMA, 2014

PREMIO FIPRESCI AO MELLOR FILME NO FESTIVAL INTERNACIONAL DE CINE DE XIXÓN, 2014

PREMIO Á MELLOR ACTRIZ, ANGÉLIQUE LITZENBURGER, E GRAN PREMIO Á MELLOR DIRECCIÓN NO FESTIVAL INTERNACIONAL DE CINE DE BRATISLAVA, 2014
GRAN PREMIO DO XURADO Á MELLOR DIRECCIÓN NO FESTIVAL INTERNACIONAL DE CINE CABOURG ROMANTIC, 2014
CÁMARA DE OURO E PREMIO UNHA CERTA OLLADA, Á MELLOR DIRECCIÓN NO FESTIVAL INTERNACIONAL DE CINE DE CANNES, 2014


SINOPSE
A protagonista ten sesenta anos, gústalle a festa e a diversión cos homes. O seu medio de vida é invitalos a beber nun cabaret preto da fronteira entre Francia e Alemaña. Un día, un vello cliente pídelle matrimonio, o soño de nena tense realizado. Será unha oportunidade para mudar de vida.


MARIE AMACHOUKELI

Directora, guionista e actriz francesa nada en 1979. Diplomada en Estudos Avanzados en Historia das Relixións na Sorbona. Logo incorporase ao Departamento de Guións de La Fémis. Tras rematar a súa formación, roda xunto a Claire Burger, Forbach, curtametraxe premiada co Gran Premio do Festival de Clermont-Ferrand e co segundo premio da Cinéfondation do Festival de Cannes no 2008. Máis tarde, presenta o título Para as mozas é de balde, Premio César á Mellor curtametraxe no 2010 e seleccionado para a Semana da Crítica no 2009.
Con este filme debuta na longametraxe. É o seu ultimo traballo.



CLAIRE BURGER

Directora, montadora, guionista e fotógrafa francesa nada en Forbach, Lorraine. Iníciase no mundo do cine rodando curtametraxes. Debuta na longametraxe con este filme. É o seu ultimo traballo na dirección.



SAMUEL THEIS

Director, guionista e actor francés nado en 1978 en Forbach, Lorraine. Iníciase no mundo do cine como actor. Debuta na longametraxe con este filme. É o seu ultimo traballo na dirección.


Podedes ollar entrevistas e tráiler do filme:


Posted by
Fernando Llor

+Info
Con tecnoloxía de Blogger.

(cc) Creative Commons BY-NC-SA 3.0 · Cineclube Lumière

Modelo: Urang-kurai / fornecido por Blogger